Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bihar hasiko dira Getxoko Ihauteriak hiru egunetan zehar publiko orotarako ekitaldiak izango direlarik


2006-02-23 13:32



BILBO, 23 (EUROPA PRESS)

Musika, dantzak, karaokea eta mozorro tailerra izango dira bihar, otsailak 24, hasiko diren 2006ko Inauterien egitarauaren ekitaldi batzuk. Igandera arte gazteei eta baita nagusiei ere zuzendutako ekitaldi ugari izango dira goizeko, arratsaldeko eta gaueko ordutegietan, udal getxotarreko iturriek gaur bidalitako prentsa-ohar baten arabera.

Ekitaldien egitaraua 10,00etan hasiko da eskoletako ohiko inauteri desfileekin Erromo eta Algorta-Andra Mari aldeetan. Arratsaldean, 18,00etan, Algortako Geltokian berbena-diskoa egingo da, haurrentzako mozorro dantzaldia, karaokea, fotomatoia eta txokolatea txurroekin ere izango direla.

Larunbatean, hilak 25, Gazte Leku fanfarreak Algortako kaleak girotuko ditu 12,00etatik aurrera eta ordu erdi beranduago erraldoi eta buruhandiak izango dira San Nikolas plazan, Tellagorrin eta Satistegin. Eguerdiko 13,00ean, Simon Otxandategi taldearen eskutik, euskal inauteriko dantzak ikusi ahal izango dira Geltoki plazan, eta 18,00etan eta 20,00etan, leku berean, aratustetako karaokea antolatu du. Arratsalde osoan fotomatoia, makillaje tailerra eta txokolatea txurroekin izango dira.

Gauean, beste musika ekitaldi batzuk egongo dira, hala nola, mariatxien kontzertua, 21,00etatik 22,30ak arte, Geltoki plazan; DJ-Disko Festa, 23,00etatik 2,00ak arte, San Nikolas plazan; eta Disco Camp nagusientzako, ordu berean, Satistegi plazan. Ostalarien antolatutako ohiko Mozorro Lehiaketa ere izango da eta sari garrantzitsu batzuek banatuko ditu.

Igande 26ko ekitaldiak 12,00etan hasiko dira Simon Otxandategiren Zanpantzarrekin eta Algortako oinezkoentzako gune eta plazetan izango diren kalejireekin. Egitaraua Deabru Beltzak taldearen Les diables Noirs antzerki, perkusio eta piroteknia ikuskizunarekin itxiko da. Ekitaldi honen aurretik jaso ahal izango dira fotomatoian ateratako argazkiak


245 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin