Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bidaiarien sarrerak %3 gutxitu ziren EAEn 2008an, eta gaualdiek %4ko jaitsiera izan zuten


2009-01-21 11:57

BILBO, 21 (EUROPA PRESS)

Bidaiarien sarrerak 2.020.446 izan ziren 2008. urtean Euskal Autonomia Erkidegoan (EAE), hau da, aurreko urtean baino 73.000 gutxiago (%-3). Halere, elkarren segidako hirugarren urtez, bi milioi bisitariren kopurua gainditu da EAEko hotel-establezimenduetan. Arabara heldutako bidaiarien kopurua %5 gutxitu zen, eta Gipuzkoara eta Bizkaira, %3.

Eustat Estatistikaren Euskal Erakundeak gaur emandako datuen arabera, 2008ko gaualdiak 3.789.563ra iritsi ziren, hots, aurreko urtean baino 167.000 gaualdi gutxiago (%-4), eta bilakaera negatiboa izan zuten EAEko hiru herrialdeetan: Araban %-5, Bizkaian %-4 eta Gipuzkoan %-5.

Bidaiarien batez besteko egonaldia 2007. urteko 1,89tik iazko 1,88ra pasatu zen, eta EAE osorik hartuta, betetze-maila 2007ko %46,94tik 2008ko %44,16ra pasatu zen.

Bestalde, landa-turismoko establezimenduetan 112.341 bidaiari-sarrera izan ziren joan den urtean, hau da, aurrekoan baino %4 gehiago. Gaualdiak 326.158 izan ziren, hots, 2007an baino %1 gehiago.

Hiru lurraldeetan gehitu ziren bidaiarien sarrerak: Araban %6, Gipuzkoan %4 eta Bizkaian %3. Gaualdiek gora egin zuten Araban (%5), jaitsi Bizkaian (%-2) eta berdin jarraitu Gipuzkoan (%0).

Bidaiari bakoitzaren batez besteko egonaldia 2007an 3 egunekoa izatetik 2008an 2,90 izatera jaitsi zen, eta betetze-mailak ere okerrera egin zuen: 2007an %27koa izan zen eta 2008an %26,29koa.

ABENDUKO DATUAK

Joan den urteko abenduan 126.390 bidaiari-sarrera erregistratu ziren EAEko hotel-establezimenduetan, aurreko urteko hil berean baino 15.000 sarrera gutxiago, hots, %11 gutxiago. Hiru lurraldeetan jaitsi ziren bidaiarien sarrerak 2007ko abenduko datuen aldean: Araban %-9, Bizkaian %-12 eta Gipuzkoan %-10.

Estatutik etorritako bidaiarien sarrerak %9 jaitsi ziren eta atzerriko bidaiarienak, ostera, %16. Estatutik helduriko bidaiarien kopurua hiru herrialdeetan jaitsi zen: Bizkaian %-7 eta Gipuzkoan eta Araban %-10. Atzerritarrak %24 urritu ziren Bizkaian; Gipuzkoan %10 murriztu ziren eta Araban %2.

Estatutik helduriko bidaiarien artean gehitu egin ziren, batez ere, Asturiastik eta Nafarroatik etorritakoak; gutxitu egin ziren, besteren artean, Kataluniatik, Madrildik eta Gaztela-Mantxatik etorritakoak. Atzerritarren artean esan daiteke lurralde guztietatik etorritakoak gutxitu zirela, batez ere Frantzia, Erresuma Batua, Portugal eta Italiatik; gora egin zuten Iberoamerika, Suedia, eta Afrika, Asia eta Ozeaniako zenbait lurraldetatik etorritakoek.

Iazko abenduan erregistraturiko gaualdiak 226.434 izan ziren, hau da, iazkoaren aldean %12ko jaitsiera eta ia 30.000 gaualdi gutxiago. Gaualdiek urte batetik bestera bilakaera negatiboa izan zuten hiru lurraldeetan: Araban %-5, Bizkaian %-13 eta Gipuzkoan %-12.

Urte arteko aldi horretan, EAEn batez besteko egonaldiak %1 egin zuen atzera: 2007ko abenduan 1,81 egunekoa izan zen eta joan den abenduan 1,79koa. Plazakako betetze-maila 2007ko abenduko %37,97tik 2008ko abenduko %31,15era murriztu zen, eta gelakako betetze-maila %46,34tik %38,01era.

Bestalde, EAEko landa-turismoko establezimenduetan 8.889 bidaiari-sarrera zenbatu ziren joan den abenduan, hau da, aurreko urteko hil berean baino %6 gehiago, eta gaualdiak 22.007 izan ziren, hots, joan den urteko hil berean baino %1 gutxiago.

Bidaiari bakoitzaren batez besteko egonaldia 2,64 egunetik 2,48ra jaitsi zen EAE osoan, eta plazen betetze-maila %14 jaitsi zen, 2008ko abenduan %19,53an izan zelarik. Gelen betetze-mailak behera egin zuen, urte arteko %11 hain zuzen ere.


129 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin