Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Biarritz Ballet Junior arituko da larunbatean Seguran, Tximeleta ikuskizuna aurkezten


2006-02-28 16:29



DONOSTIA, 28 (EUROPA PRESS)

Biarritz Ballet Junior arituko da larunbat honetan, martxoak 4, Segurako hudalerri gipuzkoarrean, Tximeleta ikuskizuna aurkezten, Segurako Udalak gaur bidalitako prentsa-ohar baten esanetan.

Bi urtetik hona, Ballet Biarritz eta Dantzaz taldeek udaran hiru aste irauten duen akademia antolatzen dute dantza munduan profesionalki dedikatu nahi duten 12 gazteentzat. Esperientzia honek, lurralde honetan pre-profesional Dantza Formazioko Zentro batean sartzeko trebetasun nahikoa duten gazteak daudela erakutsi du.

Gazte hauei laguntzeko helburuarekin, 2005eko irailetik 2006ko otsailera, hau da, sei hilabeteko prestakuntza profesionala eskaintzen zaien tailerrak lantzen dira. Balet-maisuak, Ballet Biarritz-eko irakasleak eta gonbidatutako koreografoek irakasle lanak egin ondoren, gazte hauek mundu profesionalean sartzen dira modu egoki batean.

Lan guzti honen fruitua, 70 minutuko iraupena duen Tximeleta ikuskizuna da. 12 dantzarik aurkeztuko duten lana lau koreografiaz osaturik dago: Laztanak, Elurraren Herrialdea, Zisnearen Heriotza eta Boleroa.

Larunbateko ekitaldiaren aurkezpena ostegunean, martxoak 2, egingo da goizeko 11,00etan Ballet Biarritz Donostiako arduradun artistikoa, Adriana Pous, eta Segurako Udaleko Teknikaria den Iosune Arrondo Segurako Udaletxean emango duten prentsaurrekoan.


248 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin