Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi taberna miatu eta gizon bat atxilotu dute Andoainen (Gipuzkoa) haxix eta speed kantitate batzuk zituela


2009-01-26 18:10

DONOSTIA, 26 (EUROPA PRESS)

Ertzaintzaren agenteek Andoaingo bi taberna miatu zituzten joan den larunbatean Andoainen (Gipuzkoa), bertan drogarekin trafikatzen zutela susmatzen baitzuten, eta 39 urteko gizon bat atxilotu zuten; haxix eta speed kantitate batzuk atzeman zizkiote atxilotuari. Operazioa bizilagunek jarritako salaketei esker egin ahal izan da, eremuko ostalaritza lokal batzuetan droga kontsumitu eta drogarekin trafikatzen zela jakinarazi baitzuten, Herrizaingo Sailaren arabera.

Gertakariak larunbat gauerdian jazo ziren. Agenteak Andoaingo Pio Baroja kalean dauden bi tabernatan sartu ziren, gai sorgorgarrien kontsumoaren eta trafikoaren kontrako operazio batean. Ertzainek hainbat lagun identifikatu eta droga kantitate batzuk (haxix eta speed) atzeman zituzten.

Ertzaintzaren agenteek 39 urteko Andoaingo gizon bat atxilotu zuten, izan ere, gainean 12 speed bilgarri inguru zeramatzan, ustez horiekin trafikatzeko. Atxilotua Tolosako Guardiako Epailearen esku jarri zuten, dagozkion polizia eginbideak amaitzerakoan. Operazioa herritarren laguntzari esker egin ahal izan da eta operatibo baten baitan dago.


542 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin