Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi liburu eta aldizkari bat, Eskola Antolaketa, Plaken Tektonika eta Uztaro, UEUren azken argitalpen berriak


2006-01-23 17:06



BILBO, 23 (EUROPA PRESS)

Udako Euskal Unibertsitatearen (UEU) argitalpen berriak, Eskola Antolaketa eta Plaken Tektonika liburuak eta Uztaro Giza eta Gizarte Zientzien aldizkariaren 55. zenbakia, salgai daude jadanik www.ueu.org helbidean, UEU berak komunikatu batean aditzera eman duenez.

Hauetatik lehen, Eskola Antolaketa, Karmele Bujan Vidales eta Pello Aramendi Jauregiren lana da. Guztira 262 orrialde dira eta 17 euroko prezioa dauka, 11,90 euroko prezioa UEUko bazkideentzako prezioa.

Hezitzaileok hezkuntza-erakundeetan egiten dugu lan. Bertan saiatzen gara moldaketak, hobekuntzak, berrikuntzak eta abar gauzatzen. Ikasi beharra dago maila horretan. Hain zuzen, liburu honetan hezkuntza-erakundeetako hainbat hobekuntza-prozesu aztergai ditugu, diote UEUtik.

Gai hauek, besteak beste, Zuzendaritza Taldea aukeratzeko eta aldatzeko prozesuak, irakasle-taldeen arteko koordinazioan eragiten duten faktoreak, ikastetxearen planifikazio-prozesua, ikastetxean berrikuntza bultzatzeko estrategiak, ikastetxean kanpoko eta barruko komunikazio-sareak, talde-lana dinamizatzeko teknikak, gatazken konponbidea ikastetxean liratezke.

Halaber, antolaketa-prozesu denetan, jarraipena eta kudeaketa egokiak suertatzeko Zuzendaritza Taldeko kideen rolek berebiziko garrantzia dute, hala nola zuzendaria, ikasketaburua, idazkaria, etapa, ziklo eta ikasmailako koordinatzaileak eta saileko buruak.



Kargu horien guztien esku maila handi batean hezkuntza-erakundeen etorkizuna dagoenez, beraien formazioa ezinbesteko baldintza da; hain zuzen, kargua hartu aurretik nahitaez betetzekoa. Maila horretan hezitzaileen itxaropenak asetzea espero dugu.



PLAKEN TEKTONIKA

Plaken Tektonika: lurraren funtzionamendua ulertzeko teoria liburuaren egilea Arturo Apraiz Atutxa da, 428 orrialde ditu eta 24 euro balio du, 16,80 euro bazkieentzat.

Gure Lurraren barne-funtzionamendu orokorra ulertarazteko sortutako liburua da. Liburuaren hasieran, Lurraren mekanismoak ulertzeko beharrezkoak diren tresnak eta datuak agertzen dira. Ondoren, plaka-tektonika teoriaren bilakaera historikoa garatzen da, ondo erakutsiz nola teoria zientifiko berriek ordezkatu dituzten teoria zientifiko zaharrak, adierazten dute UEUtik.

Liburuaren atal gehienek Lurraren barne-mekanismoek lurrazalean eragindako prozesuak deskribatzen dituzte. Atalok datu orokorrenetatik hasi eta xehetasun handiagoko prozesu eta ereduekin jarraitzen dute, eremu geologiko adierazgarrienen deskribapenekin bukatzeko.

Lur planetan gertatzen ari diren prozesu geologiko arruntenak (lurrikarak, sumendiak) non sortzen diren eta sortzeko dauden arrazoiak azaltzen dira liburuan. Era berean, gaur eguneko plaken arteko mugetan gertatzen ari diren prozesu geologiko nagusiak (rift-eremuak, subdukzio-eremuak, kolisioak) teorikoki deskribatzen dira, adibide praktikoekin uztartuz. Azken batean, Lurra bizirik dagoela eta bere bizi-mekanismoak zeintzuk diren azaldu nahi izan da.



Azkenik, Uztaro izeneko Giza eta Gizarte Zientzien aldizkariaren 55. zenbakiak 120 orrialde dakartza zazpi eurotan. Editoriala Jokin Apalategiren kontura dator eta guztira bost gai nagusi jorratuko dira, besteak beste ikuskaritza-jardueran kalitate-kontrolak Europako eremuaren ikuspegitik edota istripuak, gaixotasunak eta gertaera negatiboak jasateko joera duten pertsonen eta substantzia adiktiboen kontsumitzaileak diren pertsonen nortasunaren profila.


332 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin