Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi lagun atxilotu dituzte Gipuzkoan zenbait etorkinei maula egiteagatik


2009-01-19 14:27

DONOSTIA, 19 (EUROPA PRESS)

Ertzaintzaren agenteek bi pertsona atxilotu dituzte Gipuzkoan, zenbait etorkinei maula egitea leporatuta, 16.000 eurora hel zitezkeen diru kopuruen truke, atxilotuek faltsua zen lanpostu bat eskuratzea agintzen baitzieten biktimei. Tokiko zenbait enpresaburu agintaritza judizialaren aurrean inputatu ditu Ertzaintzak, ustez gertakarietan parte hartzea egotzita.

Herrizaingo Sailaren arabera, ikerketak 2008ko urrian jarri ziren abian, Marokoko lau pertsonek herritartasun bereko bi gaztek maula egin omen zietela salatu zutenean Ertzaintzaren aurrean. Maula-egileek lanpostu bat eskaini zieten Urola Kosta eskualdeko enpresetan, biktimek aurretik ordaindu behar zuten diru kopuru handi baten truke.

Lau biktimek eskatutako diru kopuruak ordaindu zituzten (batzuk zorpetu behar izan ziren horretarako), eta eskatu zizkieten agiriak ere aurkeztu zituzten, baina ez zuten lanik egin enpresa bakar batean ere, Gizarte Segurantzan alta eman zieten arren. Azken egoera horretan, ustez tokiko zenbait enpresaburuk parte hartu zuten.

Salaketak aztertu ostean, joan den astean Ertzaintzak ustezko maula-egileak (28 eta 30 urte dituzte) atxilotu eta epailearen esku utzi zituen. Halaber, maulan ustez nahasita dauden enpresariak ere inputatu dituzte.


222 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin