Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi itsasontzitan lapurtzen saiatu den gizon bat atxilotu dute Lekeition (Bizkaia)


2009-01-26 13:07

BILBO, 26 (EUROPA PRESS)

Ertzaintzaren agenteek 26 urteko gizon bat atxilotu zuten atzo Lekeition (Bizkaia) lapurretaren delitu bat egotzita. Lekeitioko kaian, itsasontzi baten barruan harrapatu zuten susmagarria, Eusko Jaurlaritzako Herrizaingo Sailak gaur jakinarazi duenez.

Atzo goizean, 11:15 aldera, Lekeitioko portuan lapurreta bat gertatzen ari zela jakinarazi zion pertsona batek Ertzaintzari.

Patruila bat kaira joan zen eta itsasontzi horren patroiarekin hitz egin zuen. Patroiak azaldu zuenez, barruan zegoen gizona ez zen tripulaziokoa eta ez zuen ezagutzen.

Horren aurrean, zenbait agente eta itsasontziaren jabea ontzirantz abiatu ziren (portutik 100 metro ingurura ainguratuta zegoen) eta, bertan, aginte zubiko sarrera atearen kristala hautsita zegoela eta, barrualdean, susmagarria eta dena nahastuta zeudela egiaztatu ahal izan zuten.

Arrantza-ontzi horren aldamenean, leihoa hautsita zeukan belaontzi bat zegoen, baina, dirudienez, ez zuten barrutik ezer lapurtu. Atxilotua (delitu aurrekariak dituen 26 urteko gizonezko bat) epailearen esku jarriko dute, dagozkion polizia eginbideak burutu ostean.


204 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin