Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu eta 720 gramo kokaina atzeman dituzte Barakaldon eta Bilbon egindako drogaren kontrako operazio batean


2009-01-26 16:27

BILBO, 26 (EUROPA PRESS)

Ertzaintzaren agenteek 720 gramo kokaina atzeman eta bi gizonezko atxilotu dituzte, azken astean Barakaldon (Bizkaia) eta Bilbon egin duten drogaren kontrako operazio batean. Atzemandako drogak 130.000 euro inguruko balioa izan lezake merkatuan, Eusko Jaurlaritzako Herrizaingo Sailak gaur jakinarazi duenez.

Joan den astean zehar, Sestaoko Ertzainetxeko agenteek zenbait pertsona zelatatu zituzten, ustez droga trafikoarekin lotura zutelakoan. Barakaldon eta Bilbon egindako zelatatze eta segitzeei esker, iragan ostiralean, hilaren 23an, Opel Corsa bat atzeman ahal izan zuten Bilboko Sabino Arana kalean.

Ibilgailuan bi susmagarri zihoazen; Barakaldoko etxebizitza batetik irten ziren eta Bilbora heltzea helburu zuten. Kopilotuaren oinetan, agenteek bost pakete zituen poltsa bat aurkitu zuten; horietako batean 720 gramo kokaina zeuden, eta, gainerakoetan, guztira, droga mozteko hiru kilo substantzia inguru. Halaber, susmagarrietako bati egindako gorputz miaketan, 8.555 euro eta doitasun-balantza bat atzeman zizkioten.

Hurrengo egunean, larunbatean, ertzainak Barakaldoko bi etxebizitzatan sartu ziren eta miaketak egin zituzten. Bertan, kokaina kantitate txikiak, 3.080 euro eta doitasun-balantza bat atzeman zituzten.

Atzemandako kokainak, moztuta eta zati txikitan salduta, 130.000 euro inguruko balioa izan lezake. Trafikatzaileek batez ere Ezkerraldean eta Bilbon saltzen zuten droga.

Bi atxilotuak (41 eta 49 urte) epailearen esku jarri zituzten atzo, eta epaileak espetxeratzeko agindua eman zuen. Sestaoko Ertzainetxeak ikertzen jarraitzen du eta atxiloketa gehiago egon litezke.


587 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin