Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Portugaleten (Bizkaia) eraikitze lan batzuetan kable elektrikoa lapurtzen saiatzeagatik


2009-01-07 11:55

BILBO, 7 (EUROPA PRESS)

Ertzaintzaren agenteek bi gizonezko atxilotu zituzten atzo arratsaldean, Portugaleten (Bizkaia) egiten ari diren eraikitze lan batzuetan kablea lapurtzea egotzita. Lanen kanpoaldean dagoen hesiaren gainetik salto egin ostean instalazioetako kable elektrikoa lapurtzen ari zirela harrapatu zituzten.

Eusko Jaurlaritzako Herrizaingo Saileko iturriek gaur jakinarazi dutenez, atzemandako lagunetako batek zauriak eragin zizkion agente bati eskuan, atxilotu ez zezaten atalondo batean sartu baitzen eta atearekin eskua harrapatu zion ertzainari.

Lapurreta saiakera atzo arratsaldean egin zuten, 16:30ak aldera, Portugaleten. Herritar batek Ertzaintza ohartarazi zuen, bi lagun Jose Zaldua kalean egiten ari diren eraikuntza lan batzuetan lapurtzen egon zitezkeelako. Patruila bat bertaratu zen eta bi gizonezko ikusi zituzten lanak egiten ari diren esparruaren barruan.

Polizia bertan zegoela ikusita, bi lagunek instalazioetako hesiaren gainetik salto egin zuten. Ertzainak susmagarrien atzetik joan ziren, baina bi gizonezkoak hurbil dagoen etxe bateko atarian sartu ziren. Agenteetako bat atalondoan sartzera zihoala, gizonezkoetako batek atea itxi zuen eta ertzainari eskua zauritu zion.

Bertako obretako txaboletara argindarra eramateko kable elektrikoaren metro batzuk osten saiatu zirela baieztatu ostean atxilotu egin zituzten bi susmagarriak. Ustez lapurretarako erabili zituzten matxete bat eta zenbait bihurkin aurkitu zituzten bertan.

Atzemandako lagunak (26 eta 19 urte) polizia egoitzara eraman zituzten beharrezko eginbideak egiteko eta ondoren epailearen esku utzi zituzten.


321 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin