Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Bilbon saltoki batean lapurtzeagatik


2009-01-19 18:23

BILBO, 19 (EUROPA PRESS)

Ertzaintzaren agenteek 46 eta 35 urteko Bilboko bi gizon atxilotu dituzte gaur goizaldean Bilbon, bertako saltoki batean lapurreta egitea egotzita. Agenteek ostutako materiala berreskuratu dute, eta saltokiaren jabeak salgaia berea dela egiaztatu du, Eusko Jaurlaritzako Herrizaingo Sailak gaur jakinarazi duenez.

Gertakariak 1:30ak aldera jazo dira. Bilboko Txurdinaga auzoan zeuden Ertzaintzaren zenbait agentek motxila bana eta orga bat zeramatzaten bi gizon ikusi dituzte kalean, eta ertzainek egiaztatu ahal izan dutenez, kale berean kokatutako burdindegi bateko pertsianaren beheko aldea altxatuta eta erauzita zegoen, bortxatu zutelako zantzu argiak zituelarik.

Agenteak bi gizon horiengana zuzendu direnean, azken hauek korrika hasi dira, baina agenteek metro batzuk aurrerago atzeman dituzte. Identifikatu eta zeramatzaten objektuak egiaztatu ostean, biak atxilotu dituzte saltoki batean indarkeriaz egindako lapurretaren delitu bat egotzita. Ondoren, saltokiaren arduradunak atxilotuei atzeman dizkieten objektuak bere saltokian lapurtutakoak zirela egiaztatu du.

Atxilotutako bi gizonak (delitu aurrekariak dituzte) ertzainetxe batera eraman dituzte eta Guardiako epailearen esku jarriko dituzte datozen orduetan, dagozkien polizia eginbideak burutu ostean.


206 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin