Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Bilbon pertsona bati diru-zorrotik 30 euro lapurtzeagatik


2009-02-09 14:58

BILBO, 9 (EUROPA PRESS)

Ertzaintzaren agenteek bi gizon atxilotu zituzten atzo arratsaldean Bilbon, indarkeriaz egindako lapurretaren delitu bat egin izana leporatuta. Ustezko bi lapurrek biktima jo zuten diru-zorroan zeraman dirua lapurtzeko, Eusko Jaurlaritzako Herrizaingo Sailak gaur jakinarazi duenez.

Lapurreta atzo arratsaldean jazo zen, 20:30ak aldera, Bilboko Casilda Iturrizar parkean. Bi gizonezko oinezko baten gainera joan ziren eta, jo eta lurrera bota ostean, 30 euro ostu zizkioten diru-zorrotik eta alde egin zuten. Biktimak Ertzaintza ohartarazi zuen eta zenbait patruila bertaratu ziren. Agenteek biktimak hainbat ubeldura arin (erorketaren ondorioz) zituela egiaztatu ahal izan zuten eta, lapurren ezaugarri fisikoen deskribapena jaso ostean, susmagarriak bilatzen hasi ziren.

Pixka bat geroago, Euskalduna zubian, biktimak eskainitako ezaugarri fisikoekin bat egiten zuen gizonezko bat atzeman eta atxilotu zuen patruila batek. Nahasitako beste lapurra biktimak berak aurkitu zuen; izan ere, lapurretaren ondoren parkean ahaztu zituen euritakoa eta bufanda hartzeko parkera itzuli zen eta, bertan, lapurrarekin topo egin zuen, bere gauzak gainean zeramatzala.

Hortaz, biktimak Ertzaintza ohartarazi zuen eta susmagarria atxilotu zuten, indarkeriaz egindako lapurretaren delitu bat egin izana egotzita. Bi atxilotuak (33 eta 17 urte) polizia egoitza batera eraman zituzten dagozkien eginbideak burutzeko eta, ondoren, epailearen esku jartzeko.


277 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin