Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Bilbon eta Getxon (Bizkaia) bikotekideei erasotzeagatik


2009-02-02 16:18

BILBO, 2 (EUROPA PRESS)

Ertzaintzaren agenteek bi gizonezko atxilotu zituzten atzo Bilbon eta Getxon (Bizkaia), genero indarkeriaren delitu bana egotzita. Atxilotuetako batek emaztea mahai baten kontra bultzatu zuen, hematoma handia eraginda, eta besteak bikotekidea lurretik arrastaka eraman zuen, iletik helduta, Herrizaingo Saileko iturriek gaur jakinarazi dutenez.

Lehenbiziko atxiloketa 8:20an jazo zen, Getxoko Algorta auzoko erdialdeko kale batean, gizonezko batek emakumezko bati eraso egin zionean. Zenbait lekukok jakinarazi zutenez, gizonezkoak biktimari iletik heldu zion eta lurretik arrastaka eraman zuen, atari batean sartzera behartu zuen arte.

Ertzaintzaren agenteak bertaratu ziren eta, atari horren barruan, aipatutako bi pertsonak zeudela eta eztabaidan ari zirela egiaztatu ahal izan zuten. Emakumezkoa negar egiten ari zen eta lepoa gorrituta eta ezpainean odola zerion zauri bat zituen. Ebidentzia horien aurrean, agenteek ustezko erasotzailea (25 urteko gizon bat) atxilotu zuten, genero indarkeriaren delitu bat egin izana leporatuta.

Bestalde, 18:00ak aldera, 36 urteko gizon batek antzeko gertakari batean parte hartu zuen, bikotekideari eraso egin baitzion biak bizi diren Bilboko etxebizitzan. Kasu honetan, atzo jasandako erasoaz gain, emakumezkoak salatu zuen bikotekideak gai sorgorgarriak kontsumitzen dituenean tratu txarrak ohikoak direla.

Biak eztabaidan ari ziren atzo eta gizonak mahai baten kontra bultzatu zuen emakumea. Erasoaren ondorioz, biktimak hematoma bat eta bizkarrean hainbat urradura izan zituen. Emakumezkoak eta ustezko erasotzaileak esandakoa entzun ostean (eraso egin ziola onartu zuen gizonak azalpenak ematerakoan), agenteek gizonezkoa atxilotu zuten.


471 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin