Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Bilboko metroaren geltoki batean gazte bati lapurtzeko asmoz erasotzeagatik


2009-01-19 12:37

BILBO, 19 (EUROPA PRESS)

Ertzaintzaren agenteek 20 urteko gizonezko bi atxilotu zituzten atzo goizaldean Bilbon, indarkeriaz egindako lapurretaren delitu bat egotzita, metroaren geltoki batean gazte bati eraso baitzioten lapurtzeko asmoz, Eusko Jaurlaritzako Herrizaingo Sailak gaur jakinarazi duenez.

Atzo goizean, 6:00ak jotzeko minutu batzuk falta zirenean, poliziak bidaltzeko eskatu zuten metroaren Deustuko geltokitik, deia egin zuen pertsonaren arabera lapurreta bat izan baitzen bertan. Herritarren segurtasunerako patruila bat bertaratuta, zaindariek gizonezko bi atxikita zituztela ikusi zuten agenteek. Aldamenean, odol eta kolpe ugari zituen gizonezko gazte bat zegoen.

Zaurituak agenteei jakinarazi zienez, minutu batzuk lehenago metroko txartela hartzeko diru-zorroa ateratzen ari zenean hiru gizonezkok eraso egin zioten eta joten hasi zitzaizkion, diru guztia eta sakelako telefonoa ostu zizkioten arte. Asmoa lortutakoan, erasotzaileek alde egin omen zuten, baina geltoki horretako zaindariek haietako bi harrapatu ahal izan zituzten; hirugarrenak berriz, ihes egitea lortu zuen.

Ertzainek identifikatu egin zituzten bi susmagarriak eta, beharrezko egiaztapenak egin ostean, atxilotu eta polizia egoitza batera eraman zituzten beharrezko eginbideak betetzera, ondoren epailearen esku uzteko.


292 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin