Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Arrasaten (Gipuzkoa) taberna batean lapurtzeagatik


2009-01-08 12:38

DONOSTIA, 8 (EUROPA PRESS)

Ertzaintzaren agenteek gizonezko bi atxilotu dituzte gaur goizaldean Arrasateko (Gipuzkoa) taberna batean lapurtzea egotzita. Patruila batek establezimendu baten barruan harrapatu ditu ustezko bi lapurrak. Lokaleko pertsiana indarrez irekita zegoen, eta atxilotuetako batek ahuntz-hanka bat bota dio ertzainetako bati, atxilotu ez zezan, Herrizaingo Sailak jakinarazi duenez.

Lapurreta saiakera gaur goizaldean izan da, 4:00etan, Arrasaten. Herritar batek Ertzaintza ohartarazi du ostalaritza establezimendu batean lapurreta egiten ari zitezkeelakoan, zarata batzuek esnatu egin baitute.

Ertzaintzaren patruila bat bertaratuta, gizonezko bi aurkitu ditu lokalaren barrualdean, eta horiek ihesari ekin diote agenteak ikustean. Batek ahuntz-hanka bat bota dio segika zuen ertzainari; ondorioz, agentea erori egin da, baina azkenean susmagarria harrapatu eta atxilotu ahal izan du. Ustezko beste lapurrak ihes egitea lortu du, baina handik gertu aparkatuta zegoen ibilgailu baten atzeko aulkietan ezkutatuta aurkitu du beste patruila batek.

Bi susmagarriak atxilotu egin dituzte ezustean harrapatu dituzten tabernako pertsiana indarrez irekita zegoela baieztatu ondoren. Atxilotutakoak, 22 eta 33 urtekoak, Ertzaintzaren egoitza batera eraman dituzte beharrezko polizia eginbideak betetzera, eta epailearen aurrera eramango dituzte datozen orduotan.


278 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin