Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi emakume zauritu dira Erriberagoitin (Araba) eta Gueñesen (Bizkaia), euren ibilgailuetan harrapatuta gelditu ondoren


2006-12-27 18:56

BILBO, 27 (EUROPA PRESS)

Bi emakume gazte zauritu dira Erriberagoitia herri arabarrean eta Gueñes herri bizkaitarrean gertatu diren bi auto istriputan, euren ibilgailuetan harrapatuta gelditu ondoren. Lehenean, furgoneta bat errepidetik irten da, eta bestean, auto batek eta kamioi batek talka egin dute. Bi zaurituak ospitalera eraman behar izan dituzte, haietako bat larritasuna zuten lesioekin.

Eusko Jaurlaritzako Herrizaingo Sailak jakinarazi duenez, lehenengo istripua goizeko 8,45an gertatu da A-68 autobidea Erriberagoititik igarotzen den zonaldean, oraindik argitu gabe dauden arrazoiengatik Renault Kangoo markako furgoneta bat errepidetik irten denean Bilborako noranzkoan zihoala.

Ibilgailuak bete-betean jo du errepideko erdibitzailea, eta bere gidaria, 24 urteko MP.G.G., barruan harrapatuta gelditu da. Suhiltzaileek atera ondoren, emakume gaztea Gasteizko Santiago Ospitalera eraman dute larritasuna zuten zauriekin.

Bestalde, goizeko 11,30ak jota zeudela, istripu bat gertatu da BI-636 errepidean, Gueñes parean. Donostiako matrikula zeukan Man kamioi batek eta Gasteizen matrikulatutako Seat Ibiza batek aurrez aurre egin dute talka eta Seat Ibizaren gidaria barruan harrapatuta gelditu da. Zauritua, 20 urteko I.L.U., suhiltzaileek atera dute eta, ondoren, Gurutzetako Ospitalera eraman dute.

Istripuaren ondorioz, errepidea guztiz moztu egin behar izan dute arratsaldeko 14,00ak arte. Ordu horretan alde bat ireki dute, garbitasun lanak bukatzen ziren bitartean.


243 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin