Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi adingabe atxilotu dituzte Donostian institutu batean lapurtzeagatik


2009-02-10 18:06

DONOSTIA, 10 (EUROPA PRESS)

Ertzaintzaren agenteek 17 eta 16 urteko bi adingabe atxilotu dituzte gaur goizaldean Donostian, hiriko institutu batean ustez indarkeriaz egindako lapurretaren delitu bat egotzita, Eusko Jaurlaritzako Herrizaingo Sailak jakinarazi duenez.

Gaur goizaldean, 2:30ak jota zeudela, Donostiako Amara auzoko institutu baten alarma aktibatu dela jakinarazi diote Ertzaintzari.

Bertaratu direnean, agenteek kanpoaldean hesi baten atzealdean poltsa bat ezkutatzen ari ziren bi gazte ikusi dituzte. Gainera, gozokiz betetako zaku bat eta txaponetan 50 euro baino gehiago zeramatzatela egiaztatu ahal izan dute ertzainek.

Patruila irakaskuntza zentroko segurtasuneko zaindari batekin harremanetan jarri da eta atzeko atearen kristala hautsita zegoela adierazi die agenteei. Barruan sartu direnean, ertzainek egiaztatu dute tabernako pertsiana indarrez zabaltzen saiatu zirela eta barrualdea nahasita zegoela; gainera, lurrean gozoki asko zeuden sakabanatuta.

Bi adingabeak atxilotu dituzte indarkeriaz egindako lapurretaren delitu bat egotzita eta, jarraian, beren guraso edo tutoreen esku geratu dira.


343 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin