Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bezeroaren Zerbitzu Kalitaterako UNE ziurtagiria lortu ahal izango dute Gernika-Lumoko (Bizkaia) merkatariek


2009-02-10 16:32

BILBO, 10 (EUROPA PRESS)

Gernika-Lumoko (Bizkaia) Merkataritza Elkarteak akordioa lortu berri du UNE 175001 Bezeroaren Zerbitzu Kalitaterako ziurtagiriak ezartzen dituen aholkularitza enpresa espezializatu batekin, eta herriko merkatariek ziurtagiri lortzeko aukera izango dute oraindik aurrera.

Ziurtagiria lortu baino lehenagoko ikuskaritza zerbitzuaren bitartez, produktuen salmentan diharduten eta Gernika-Lumoko Merkataritza Elkartearen barne diren merkatariek (bitxitegiak, moda eta opari-dendak edota zapatagintzaren arlokoek, besteak beste) ziurtagiria doan lortu ahal izango dute.

Izan ere, Begoña Larriba Gernika-Lumoko Udaleko Merkataritza Saileko zinegotziak adierazi duenez, Eusko Jaurlaritzaren Industria, Merkataritza eta Turismo Sailaren diru-laguntzen bitartez lortu daiteke. Gaur egun, 120 inguru dira baldintzak betetzen dituzten Gernika-Lumoko saltokiak.

UNE 175001 arauak adeitasuna, sinesgarritasuna, erantzuteko gaitasuna, bezeroarenganako ulermena, fidagarritasuna, komunikazioa, segurtasuna eta irisgarritasuna, instalazioak, lehiakortasun profesionala eta etengabeko hobekuntza planen ezarketa aztertzen ditu.

Era berean, eta kasu guztietan, saltoki txikien lehiakortasuna hobetzen eta zerbitzuaren kalitatearenganako egitura -bezeroek gehien baloratzen duten alderdietarikoa- bermatzen laguntzea du helburutzat ziurtagiriak.

Ziurtagiria lortzeko interesa erakusten duten saltokiek auditoretza bat pasa beharko dute hiru fasetan. Lehenengoa ezkutuko erosketa da; auditorearen aldetik egiten den zenbait betekizunen egiaztapena da berau, beste bezeroen erosketa baten antzera, zehaztu du Larribak.

Bigarren fasean, aholkularia saltokira bertaratu eta araua ezartzen ari den bitartean garatutako dokumentazioa eskatuko zaio arduradunari. Prozesua azkeneko txostenarekin amaituko da, non ziurtagiria lortzea gomendatuko den baldintza guztiak betetzen direla baieztatu ondoren. Hiru urtekoa izaten da prozesu guztia betetzeko epea.


324 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin