Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Berrizko Udalak hiru ekimen ezberdin antolatu ditu euskara ikastaroak ardatz izanik,bat etorkinentzat Durangalde osorako


2006-09-06 12:02



BILBO, 6 (EUROPA PRESS)

Berrizko Udaleko Euskara Sailak aurten urteroko udal euskaltegiko euskara ikastaroez gain, bigarren urtez etorkinentzat bereziki prestatutako AISA programa barruko ikastaroak eta Berbalagun proiektua, nobedade gisa Durangalde osora zabalduko dena, antolatu ditu.



Udalerri bizkaitar honetako arduradunen iturriek prentsa-ohar batean argitzen dutenaren arabera, ikasturtea hiru egitasmoetarako urrian hasiko da eta izena emateko epea irailaren 21era arte zabalik dago udalaren euskara sailean.

Udal Euskaltegiari dagokionez, aurten ere AEK euskaltegiarekin elkarlanean, euskara ikasi eta sakondu nahi duten berriztarrentzat euskara ikastaroak izango dira ikasturtean zehar. Ikastaro honek Berrizko udaleko euskara saileko dirulaguntza dute eta partehartzea erabatekoa izan dela frogatzen dutenei, ikasturtea amaituta, matrikula bueltatu egingo zaie.

Berbalagun proiektuaren inguruan euskaraz hitz egiteko talde ez formalak dira, lagun arteko giroan euskar erabili eta euskara hobetzeko taldeak. Aurten nobedade moduan, Durangalde osora zabalduko da proiektua eta nahi dutenek herrikoen artean sortutako taldeetan jarraitu dezakete edota bestela, herri arteko pertsonekin osotuko diren talde berrietan parte hartu dezakete. Talde honen ordutegia oso zabala da, parte hartzaileek eurek nahi izaten duten egun eta orduetan elkartzen direlako.

ETORKINENTZAT AISA PROGRAMA

Etorkinentzat euskara ikastaroak dire AISA programaren inguruan, Berriz Elizateko Udaleko Euskara Zerbitzuaren eta AEK euskaltegiaren ekimenez euskara ikastaroa antolatu dute etorkinei begira. Ikastaroa oso egokia da etorkinek euskararen ikaskuntzan lehen urratsak eman ditzaten eta, era berean, euskal gizartea hobeto ezagutu dezaten.

Iaz izan zen lehenengo esperientzia Berrizen. Guztira bi talde egin ziran, 10 lagunez osotuta talde bakoitza. Partehartzaileen jatorria honakoa izan zen: Marokko (6 lagun), Kosta Marfil (3), Kolonbia (3), Brasil (2), Italia, Errumania, Idaho, Italia, Frantzia eta Kuba (bana).

Aurtengo ikasturterako xehetasunak hurrengo honek dira: parte hartzeari dagokionez atzerritik heldutako 16 urtetik gorako etorkin guztiek har dezakete parte ikastaro horretan; matrikula eta informazioa (izena emateko azken eguna irailaren 21ekoa izango da. Berrizko udaletxean, goizeko 9,00etatik 14,00etara); ikasle kopurua mugatua da (gutxienez 10 ikasle eta gehienez 18), eta prezioa, berriz, 10 eurokoa da eta ikastaroa amaitzen duten ikasleei itzuli egingo zaie diru-kopuru hori.

Ikastaroaren iraupena guztira 60 ordu dira. Eskolak bi ordukoak izango dira. Eskola egunak: astelehena, asteartea eta osteguna. Ikastaroa urrian hasi eta abenduan amaituko da. Azkenik, liburuak

eskoletan AISA metodoaren lehen bi liburukiak erabiliko dira, bai eta zazpi hizkuntzatan dagoen AISA hiztegia ere. AISA euskara ikasten hasi diren etorkinentzako harrera ikastaro linguistikoa da, HABEk eta Eusko Jaurlaritzak sustatutakoa.

Informazio gehiago nahi izanez gero Berrizko udaleko euskara zerbitzuan, 94 682 40 36 telefonoan (luzapena 5).


156 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin