Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Berrizko Udalak bihar jarriko du martxan berriro Haur Txokoa egitasmoa


2006-10-05 17:14

BILBO, 5 (EUROPA PRESS)

Ikasturte berriaren hasierarekin batera, Berrizko Udalak Haur Txokoa egitasmoa jarriko du berriro abian bihar. Ekimenak 3 eta 10 urte arteko haurreentzat aisialdirako eskaintza prestatzen du, eta ostiraletan, arratsaldeko 17,30etan hasita, tailerrak, antzerki emanaldiak edo jolasguneak antolatzen ditu Kultur Etxean.

Berrizko Udaleko iturriek jakinarazi dutenez, ikasturteari ekiten dion ekimen honetan hiru antzezlan antolatu dira urrian. Lehena ostiral honetan izango da, Txotxongilo taldeak taularatuko duen Erreka Mari lanarekin.

Txotxongilo taldeko Enkarni Gernua eta Manolo Gomez aitzindariak dira txotxongiloen munduan. Taldea 1971. urtean sortu zen, eta oraingoan, Erreka Mari euren lanik ezagunenetarikoa eramango dute Berrizera.

Urriaren 20an, Kizka antzerki taldea Txerriketan Berriketan aurkeztuko du. Eibartik datorren antzerki taldea da eta dagoeneko beste hiruzpalau aldiz izan da Berrizen. Antzezlan honetan bola magikoa galdu egin da eta hori aurkitu bitartean, gizakiek txerri itxura izango dute. Bola magikoa bilatu beharko dute umeen laguntzarekin.

Azkenik, urriaren 27an, Gorakada Teatroa konpainiak 1,2,3 titirikontu-kontari lana taularatuko du Berrizen. Matiena-Abadiñoko taldea da eta 1987an sortu zen. Antzezlan honetan gertatu daitezkeenak honako hauek dira: urruneko Txinan, txori xume baten kantuak Enperadoreari bizi-poza ematen; pertsonai txikitxo bat erraldoien munduan barrena; edota iratxo-zapatariaren magia errealitatea eraldatzen. Zapataria eta iratxoak, Barbantxo eta Urretxindorra kontakizunetan oinarrituta dagoen antzezlana da.


262 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin