Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bemak bere Beka Solidarioak ekimenaren edizio berri bat aurkeztu du, iaz hamabi pertsonek hartu zutelarik parte


2006-02-15 16:56



BILBO, 15 (EUROPA PRESS)

Demak ekintzaile-kultura eta enpresa-sarea sortzeko kultura bultzatzen ditu Dema Beka Solidarioak izeneko bere programaren bitartez eta Garapenerako eta Ekintzaile-kulturarako Laguntza izeneko Jardunaldi Teknikoak egingo ditu bihar Demak Bilboko Sarriko Fakultateko Areto Nagusian.



Demako iturrien esanetan, hainbat eremutako adituek garapen-mundua gaur egun zertan den aztertuko dute. Honela, irekia geratzen da Dema Beka Solidarioak Progamako GGKE-ek proiektuak aurkezteko V. Deialdia. Garapen-bidean dauden herrialdeetan enpresa-sareak sortu eta garatzera bideratutako proiektuei emango zaie lehentasuna Bilbon.

Beste herrialdeetan proiektuak dituzten Bizkaiko GGKE-ek aurkez ditzakete proiektu horiei laguntzeko tituludun pertsonen eskaerak. Jardunaldi hauek, bide batez, foro multidiziplinar bat dira, eta kooperazio munduko hainbat arlotan adituak diren pertsonek, hain zuzen ere Demak landu nahi duen gaia jorratzen dute ikuspegi desberdinetatik, hots, garapenean laguntzeko bide modura enpresa-sarea sortu eta sendotzetik.

Jardunaldia goizeko 10,30etan, Lan eta Trebakuntzako Foru Diputatu eta Demako Lehendakari Julio Artetxek, jardunaldiari hasiera emango dio 2005eko Dema Beka Solidarioak programako emaitzak eta lehen ediziotik metatu direnak azalduz. Demako Zuzendari kudeatzaile Igor Iurrebasok, berriz, V. deialdian parte hartzeko epe eta baldintzen berri emango du. Ekitaldian parte hartuko dute, halaber, aurreko edizioetako bekadunek, bai azalpenak emateko bideoan eta baita mahai-inguruan eta prentsa-aurrekoan ere.

Jardunaldi hauek foro multidiziplinar bat dira, eta kooperazio munduko hainbat arlotan adituak diren pertsonek egungo egoerari buruzko ikuspegia azalduko dute. Horrela, esate baterako, Ana Gómezek, Euskadiko GGKE Koordinakundeko Genero Arduradunak, landa-munduaren garapeneko prozesuetan ematen diren genero-gako nagusiak azalduko ditu (11,00etan), eta Hegoako Lehendakari Alfonso Duboisek, berriz, lankidetzako estrategiari tokian tokiko garapenetik nola heldu jorratuko du (11,30ean).

Sarrikoko Areto Nagusiko hallean Bidezko Merkataritzako produktuekin 12,00etan egingo den luncharen ondoren (bekadunek berek egindako argazkien erakusketa batekin), Garapenerako eta Ekintzaile-kulturarako Laguntza izeneko mahai-ingurua egingo da. Hauek izango dira parte-hartzaileak: Ana Gómez, Euskadiko GGKE Koordinakundeko Genero Arduraduna; Txabi Anuzita, PTM-mundubat GGKEko Zuzendaria; Isabel de Gonzalo, kooperante eta Dema Beka Solidarioak Programako parte-hartzailea, eta Iratxe Burutxaga, Garapenari Laguntzeko BBKren Arduraduna.

GARAPEN BIDEKO HERRIALDEEN PRODUKZIOA

Mahai honen helburua, gaur egungo lankidetza-munduan berebiziko garrantzia duten gai batzuk ikuspegi desberdinetatik aurkeztu eta aztertzea da. Horrela, esate baterako, gaur egun garapen-bidean dauden herrialdeetan produkzioa eta ekonomia bultzatzeko erabiltzen dituzten tresnak eta programak, mikrokredituen politikak, edota enpresa-sarea sortzeko behar eta erronka berehalakoenak.

Aipatuko dira, era berean, tokian tokiko garapena eta enpresa-garapena lortzeko gainditu behar diren oztopo nagusiak, eta gero eta indar handiagoa hartzen ari den gai bat ere bai, hots, emakumeen autoenplegua eta ekintzailetza, herrialdeko ekonomia eta produktibitatea hobetzeko giltzarri modura.

Ekitaldiaren lehen partean, Dema Beka Solidarioak ekimenaren parte on baten -hau da, aurreko edizioetan parte hartu duten pertsonen- lekukotza jasotzen duen bideo bat emango da ikustera. Gizon-emakume horiek zuzen-zuzenean kontatzen dute esperientzia hau zer izan den beren bizitzetan, zerk bultzatu zituen programan parte hartzera, edota zein izan diren gehien eragin dieten puntuak.

Bekadunen feedbackak, bai helburuko herrialdeko egonaldiari eta lanari buruzkoak eta berdin itzulerari buruzkoak ere, berebiziko garrantzia dute Demarentzat, izan ere lekukotza horixe baita programaren martxari buruzko adierazlerik onena eta, batez ere, aurrera begira zein alderdi hobetu behar diren erakusten duena.

Dema Beka Solidarioak programaren helburuakDema Beka Solidarioak Programa bi helbururekin sortu zen. Alde batetik, Garapenari Laguntzeko munduaz interesatuta dauden bizkaitar gazteei lan-munduan sartzen laguntze die. Eta horretarako, sei hilabeteko denboran hainbat proiektutan esperientzia praktiko bat bizitzeko aukera eskaintzen die.

Eta bestetik, berriz, enpresa berriak bultzatzeko duen filosofiari leialki jarraituz, garapen-bidean dauden herrialdeetan enpresak hazi eta sendotzeko ekarpena egin nahi du Demak. Demak beretzat hartu duen erantzukizun sozial korporatiboa praktikara eramateko modu bat da.

Gainera, bekadunen prestakuntza helburuko herrialdeetako hirugarren pertsonei transmititzeko modu bat ere bada, gizarte-talde behartsuenei lagunduz batik bat, hots: nekazariei, emakumeei, familia-enpresa txikiei, etab. Demak Bizkaian lantzen duen filosofia berari jarraituz, azken batean.

BEKADUNAK ANIMATU

Demak programa honetan egiten duen ekarpena ez da mugatzen lankidetzako proiektuak eta bekadunak hautatzera eta jarri beharreko diru-laguntzak jartzera soilik. Baizik eta, gainerako proiektuetan bezala, Dema hasieratik amaieraraino buru-belarri inplikatua dago Beka Solidarioen proiektuan.

Izan ere urtero-urtero laguntzen baitie Demaren ordezkaritza batek bekadunei beren bidaian. Bidaia horren helburua, alde batetik, gazteak babestuta sentiaraztea da, eta bestetik, horien hango ostatu, azpiegitura eta bestelako baldintzak egokiak diren ala ez lekuan bertan egiaztatzea.

Lan eta Trebakuntzako Foru Diputatu Julio Artetxeren eta Demako Zuzendari Kudeatzaile Igor Iurrebasoren nahia izan da, berebat, bekadunen lana lekuan bertan ezagutzea eta animoak ematea. Ezbairik gabe errepikatuko duten esperientzia ahaztezina izan zen bientzat.

Dema arduratzen da, halaber, helburuko herrialderako bidaietan eta aseguruetan egiten diren gastuez ere, GKE-ei kudeaketa eta jarraipeneko lanengatik diruz laguntzeaz gain. Bekadunek, berriz, hilean 450 euroko diru-laguntza jasotzen dute (beren lanarengatik), eta bi asteko prestakuntza trinkoa ere bai garapeneko lankidetzari buruz, helburuko herrialdera joan aurretik.


226 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin