Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-BBK-k sari bat jaso du flamenkoa sustatzeagatik


2009-02-04 13:07

BILBO, 4 (EUROPA PRESS)

Bilbao Bizkaia Kutxak (BBK) Flamenkoaren Sustapen Onena saria jaso du Xerezeko Atalaya Museoetan egin den 2008ko Flamenco Hoy sarien banaketan, hainbat artista ezagun aurrean zirela, finantza-erakundeak prentsa ohar bidez gaur jakinarazi duenez.

Hamar urte dira Flamenco Hoy sariak banatzen direla. Egunkari eta flamenkoan adituak diren komunikabide ezberdinetako 50 kazetari inguruk aukeratzen dituzte irabazleak, guztiak flamenkoan adituak. Beraiek erabakitzen dituzte urtean zehar hainbat ataletan flamenkoaren alde egin diren lanik aipagarrienak, artista eta erakundeen emaitzak onetsiz.

BBK-z gain, Enrique Morente ere izan da saritua, Ekoizle Onena atalean, BBKren babesaz kaleraturiko Pablo de Malaga diskoari esker.

Aurreko urteetan Estrella Morente, Sara Baras, Carmen Linares, Farruquito, Diego El Cigala, Miguel Poveda, Chocolate, Tomatito edota Chano Lobato bezalako artistak izan dira sarituak besteak beste.

Duela lau urte hasi zen BBK flamenkoa sustatzeko lanean. Lan-esparru honetan aipatzekoak dira Bilbon urtero egiten den hitzaldi zikloa, Enrique Morenterena bezalako diskoen ekoizpenak eta Andaluziako hiriburuetan egiten diren flamenko ikuskizunak, Sevilla, Malaga, Cadiz eta Xerezen, kasu.


254 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin