Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-BBK-k 887 plaza eskainiko ditu 0 eta 2 urte arteko haurrentzat 2009-2010eko Haur Eskoletan


2009-02-02 16:30

BILBO, 2 (EUROPA PRESS)

Zabalik da BBKren Haur Eskoletan 2009-2010 ikasturterako izena emateko epea, eta otsailaren 27ra arte egongo da irekita. Guztira 887 plaza eskainiko ditu BBK-k 0 eta 2 urte arteko neska-mutilentzat, erakundeak prentsa ohar bidez gaur jakinarazi duenez.

BBKren Haur Eskolen sareak 0 eta 2 urte arteko haurren artean egiten duen hezkuntza lanak beharra eta familia bateragarri egiteko aukera dakarkie gurasoei. Halaber, haurrei, beren garapen intelektuala eta fisikoa aurrera eraman ahal izateko pizgarriak eskaintzen dizkie sareak, gizarte harremanen lehen ikasgaiak ematearekin batera.

BBK-ko Huar Eskolen arduradunen arabera, hezitzaileak ardura osoz aritzen dira ongi prestatutako geletan, garapenerako giro bikaina sortuz. Euren seme alabak BBKren Haur Eskoletara eraman nahi dituzten sendiek izena emateko epea zabalik dute, BBKren web-orrian (www.bbk.es) eskuragarri dagoen eskaria bete eta eskoletara eramanez.

Esan bezala, guztira 887 plaza eskainiko dira 2009-2010 ikasturtean. BBKren Haur Eskolak 7:30etatik 18:00ak arte egoten dira zabalik, eta gehienetan hezkuntza elebiduna eskaintzen dute. Guztira 140 hezitzaile aritzen dira lanean, eta azpiegiturak ere egokiak dira: txikienak -0 eta 1 urte artekoak- sehaska izeneko geletan egoten dira eta lau hankako geletan 1 eta 2 urte artekoak.

Musikarekin gozatu eta ikasteko aukera ere eskaintzen dute BBKren Haur Eskolek, eta hitzezko, plastikazko edo begizko lengoaiak lantzen dituzte. Jolasek psikomotrizitatea hobetzeko aukera ematen dute, eta haurren arteko harremanak elkarbizitzaren eta begirunearen lehen ikasgaia izaten dira.

BBKren Haur Eskola sarea erakundearen 15 ikastetxek osatzen dute, Bilbo, Barakaldo, Basauri, Etxebarri, Getxo, Leioa, Santurtzi eta Sestaon. Hileroko kuotaren baitan doaz otorduak eta zerbitzu guztiak, eta familia bakoitzaren erosteko ahalmenaren arabera ordaintzen da.


841 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin