Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Batxilergoko eta LHko ikasketak euskaraz egitea sustatzeko kanpaina bat egingo da gazte bizkaitarren artean


2009-01-28 13:57

BILBO, 28 (EUROPA PRESS)

Derrigorrezko Bigarren Hezkuntza (DBH) bukatutakoan batxilergoan zein Lanbide Heziketan (LH) jarraituko duten gazteek euskarazko ereduetan jarraitzea xede duen kanpaina bat antolatu dute Bizkaiko 38 udalerrik. Alkarbide Bizkaiko euskara zerbitzuetako teknikariak biltzeko Bizkaiko Foru Aldundiak sortutako bilguneak koordinatu du ekimena eta aurten DBHko 4. maila euskaraz egin duten 5.500 ikasleri zuzenduta dago.

Zeurea da aukera: jarraitu euskaraz goiburuaren harira, ondoko 38 udalek parte hartuko dute kanpainan: Abanto-Zierbena, Arrigorriaga, Balmaseda, Berango, Berriz, Bilbo, Elorrio, Enkarterri, Erandio, Etxebarri, Gordexola, Laukiz, Maruri-Jatabe, Markina, Muskiz, Ortuella, Txorierri Uribe Kosta, Zierbena eta Zornotza.

Kanpaina hau espreski prestatu da DBH euskaraz egin eta DBH ondoren zer egin erabakitzen hasi behar duten gazteentzat, eta kanpainaren euskarri nagusia informazio-liburuxka bat izango da. Bertan, batxilergoan eta LHn euskarazko ikasketak eskaintzen dituzten ikastetxeen zerrenda agertzen da eskualdeka antolatuta, eta horrekin batera, eskualde bakoitzeko garraio-sarearen berri ematen da.

Liburuxkarekin batera, Eñaut Elorrieta Ken Zazpi taldeko abeslariak sinatutako gutuna jasoko dute ikasleek etxean. DBH euskaraz egiten ari diren gazteei zuzentzen zaie Eñaut Elorrieta gutunean eta hurrengo urteetako ikasketak ere euskaraz egitera animatzen ditu. Gutunarekin batera, oparitxoa ere jasoko dute gazteek, sakelakoa gordetzeko zorrotxoa, Zeurea da aukera: jarraitu euskaraz! goiburuarekin.


616 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin