Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Batxilergoko curriculum berria zehazten eta EAEn ezartzen duen dekretua onartu du Eusko Jaurlaritzak


2009-02-03 13:30

GASTEIZ, 3 (EUROPA PRESS)

Eusko Jaurlaritzako Gobernu Kontseiluak Batxilergoaren curriculum berria zehazten eta Euskal Autonomia Erkidegoan (EAE) ezartzen duen dekretua onartu du gaurko bileran.

Dekretuak derrigorrezko etaparen ondoko irakaskuntzak oinarrizko legediara eta derrigorrezko irakaskuntzaren curriculumera egokitzen ditu eta, onartzean, Eusko Jaurlaritzako Hezkuntza, Unibertsitate eta Ikerketa Sailak euskal curriculumaren oinarriak hezkuntza-etapa osoan -0 urtetik 18ra bitartean- ezartzeko konpromisoa betetzen du.

Iazko abuztuaren bukaeran ikastetxe guztiei bidali zitzaien tramitatzen ari den dekretuaren zirriborroa, irakasleek beren programazioak eduki berrien arabera antolatu ahal izateko. Izan ere, ikasturtearen hasieratik Batxilergoko lehengoan esperimentatzen ari dira.

Esanguratsuena da Batxilergoan ikasleek jarraituko dutela hezkuntza-gaitasunak Oinarrizko Hezkuntzan sartzeak ekarri duen berrikuntza metodologikoarekin.

Hizkuntzen tratamendua hizkuntzetarako Erreferentziako Esparru Bateratu Europarraren testuinguruan sartzen da eta ikasleek, oro har, Batxilergoa bukatzean C2 maila bi hizkuntza ofizialetan eta B2 lehen atzerriko hizkuntzan lortzea du helburu. Horretarako, euskara hizkuntza nagusia izango da eta gaztelania ere erabiliko da ikasteko tresna gisa, behar bezala menperatzen dela bermatzeko.

Araudi berriak ikasleek ikasten jarraitu ahal izateko neurriak sartzen ditu eta, kurtsoa errepikatu behar duten arren, bigarrengo irakasgaietan matrikulatzeko aukera ematen die. Horrela, helburu europarra lortu nahi da, hots, populazioaren %85ek goi mailako Bigarren Hezkuntzaren titulua lortzea (gaur %81ek lortzen du).

Batxilergo berriak bi derrigorrezko irakasgai berri sartzen ditu: Filosofia eta Herritartasuna eta Mundu Garaikiderako Zientziak, eta iraileko azterketak kentzen ditu. Erlijioari dakogionez, orain arte indarrean zegoen batxillergoaren berdintasun printzipioari eusten dio, hau da, ikasleek edota gurasoek erlijio klaseak eskatzeko eskubide osoa izango dute eta bermatu egin beharko da eskubide hori, baina neurri berean, erlijio eman nahi ez duenak ez du derrigorrez ordezko ikasketarik bete beharko.


332 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin