Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Basoak hobetu, zaindu eta garatzen lagunduko duten neurriak diseinatu ditu Bizkaiko Foru Aldundiak


2009-01-13 14:26

BILBO, 13 (EUROPA PRESS)

Bizkaiko Foru Aldundiak neurri multzo berri bat prestatu du lurraldeko basoak hobetu, zaindu eta garatzen laguntzeko. Kudeaketa iraunkorreko elementuak gehitu zaizkie neurrioi eta bideragarritasun ekonomikoa ere eman zaie, azken hori beharrezkoa baita basogintzak aurrera jarraituko badu, foru erakundetik nabarmendu dutenez.

Horrela, diruz lagunduko den gutxieneko inbertsioa, edo inbertsioen batura, 1.000.000 eurokoa da; aldiz, espezieak direla-eta gehienez ere euro 60.000 euroko diru-laguntza emango zaio ustiaketa bakoitzari.

Ekoizle pribatuek zur ziurtatua lor dezatela sustatu eta garatu nahi du Bizkaiko Nekazaritza Sailak, eta horretarako, baso kudeaketa iraunkorreko planak prestatzeko laguntzak emango dizkie. Aurten, baina, ez zaie laguntzarik emango eukaliptoa landatzen dutenei.

Nekazaritza Sailak prestatu dituen neurrien beste helburu bat da hobeto erabili daitezela ingurunea errespetatzen duten makinak, haien erabilera optimizatu dadila, eta horretarako, makina berritzaileak erosteko laguntzak emango ditu.

Halaber, baso-ekoizpenean dibertsitatea handitu nahi da, merkatuan eskaintzen den zura dibertsifikatzeko: baso espezie produktiboen kopurua gehitu nahi da, eta batez ere hazkunde ertaina duten hostozabaleko espezieetatik lortzen den zur noblea gehitu.

Gainera, baso-berritzeek eta basoko lanek ere laguntza jasoko dute, baldin eta haien helburua ekoizpenen errentagarritasuna hobetu, basoetako biomasa gutxitu eta baso-suteen arriskua gutxitzen laguntzea bada.

LAGUNTZA LERROAK

Basoen balio ekonomikoa gehitzeko laguntzak bideratuko dira belar-sastrakak garbitzera, inproduktiboak garbaltzera, kimuak aukeratzera, itxiturak eta babesleak jartzera, inausketak ongarritzeak edo tratamendu fitosanitarioak egitera, biomasa jasotzera edo hondakinak birrintzera, baso-jabeak makineria erostera eta itxiturak kentzea.

Halaber, basogintzako eta arrain-hazkuntzako azpiegiturak hobetzeko eta garatzeko laguntzak ere emango dira, eta basoetarako laguntzak ere izango dira (balio ekologiko handiko basoak zaintzea eta lehengoratzea; ur-bazterreko landaredia berreskuratzea eta iraunaraztea).

Naturako hondamendiek basoen potentzialari eragindako kalteak berreskuratzeko laguntzak ere jaso dira, eta horien barruan, mozketek, zuhaitzak kentzeak, garbiketek eta abarrek eragindako kostuak zein jarduera prebentiboak sartu ahal izango dira.

Basoetan egiten diren inbertsio ez-produktiboetarako laguntzen artean daude jasotze topografikoak, basoen kudeaketa iraunkorrerako planak prestatzea, baso-sartzeak (eukaliptoena izan ezik) eta basogintzako makineria erostea.


227 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin