Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Baserritik Plazara izeneko nekazaritzako azoken sare egonkorrak Bilbon 2006an 28 azokaldi egingo ditu


2006-01-13 13:14

Lehena Plaza Berian izango da bihar bertan eta azoka bakoitzean 24 saltoki eta 18 ekoizle izango dira Bilboko beste auzoetan hilero

BILBO, 13 (EUROPA PRESS)

Bizkaiko Foru Aldundiak, Bilboko Udalak eta BBK aurrezki kutxak sinatutako hitzarmen baten arabera, Bizkaiko hiriburuak nekazaritzako azoken egitarau egonkorra izango du 2006 osoan zehar, batez beste urtero 28 azokaldi egingo baitira Baserritik Plazara izeneko progarmaren barnean.

Ekimenaren arduradunek gaur goizean aurkeztutako prentsaurreko batean azaldu dutenez, egitarau honen xedea azoka tradizionalak eta Lurralde Historiko bizkaitarrean ekoizten diren nekazaritza eta abeltzaintzako kalitatezko elikagaien kontsumoa sustatzea da.

Lehen azoka bihar bertan, urtarrilak 14, izango da Bilboko Plaza Berrian eta urte osoko 28 azokaldietan bezala 20 eta 24 saltokiren arteko kpurua eta 18 ekoizle aurreikusi dira egotea Bilboko beste auzoetako plazetan hilabetero. Programa honetarako 40 ekoizle aukeratu dira eta txandakatuz joan beharko dira.

Ekimen hau berrizalea da, aitzindaria benetan Euskal Autonomia Erkidegoan, azoka tradizionalen esperientzia -berbarako Gernikan astelehenero egiten dena, edo Mungian ostiralero- Bilbora ekartzen duena, kasu honetan hiriburua Bizkaiko nekazaritza eta abeltzaintzaren erakuslehio nagusi bihurtuz, erran du Bizkaiko Foru Aldundiko Nekazaritza diputatua den Eusebio Larrazabalek.

Egitarauaren helbururik behinena landa esparruaren eta kaleko giroaren arteko harreman zuzena bideratzea da, zertarako-eta Bizkaiko lehen arloko nekazaritzako eta abeltzaintzako kalitatezko produktuak sustatzeko eta, aldi berean, horien kontsumoa bultzatzeko.

Baserritik Plazara 2006 programako azoken egoitza txandakakoa izango da Bizkaiko hiriburuko auzoetako plaza batzuen artean. Baserritik Plazara Plaza Barrian egingo da hil bakoitzeko bigarren larunbatetan; ordea, lehen eta hirugarren larunbatetan eta, kasu jakin batzuetan. laugarren larunbatetan, Bilboko beste auzo batzuetan egingo da.

BIZKAIMENDI ARDURADUNA

Landa Garapenerako Elkarteen Federazioa, Bizkaimendi, izango da azoken sare honen garapen egokia kudeatu eta koordinatuko duena, hain zuzen ere indarrean dauden arau higieniko-sanitarioak eta segurtasunezkoak beteko direla zainduz. Halaber, Federazio honen erantzukizuna izango da produktuen jatorria eta kalitatea kontrolatzea eta jagotea.

Bizkaimendik nekazaritza eta abeltzaintzako ekoizle eta langileek eratzen duten erreferentziako zerrenda du, hain zuzen ere kalitatezko arautegi eta berme guztiak betetzen dituztenak. Zerrenda horretatik berrogei hautatu dira Bizkaiko eskualdeen eskuordetzan.

Esku hartzaileen profilari dagokionez esan behar da Bizkaiko ustiategietako ekoizleak direla, maila ofizialean erregistraturik daudenak eta euren ustiategi horietan ekoizten diren kalitatezko produktuak aurkezten dituztenak.

Baserritik Plazara ekimenaren barruan erosi daitezkeen produktu nagusiei dagokienez ondoko hauek aipa daitezke: hestebeteak, ortuariak, fruta, ortuari ekologikoak, Bizkaiko Txakolina, behi- eta ahuntz-esnearen eratorriak, eztia, ahatekiak, baserriko ogia eta euskal pastela, ardi- , behi- eta ahuntz-gazta, piper txorizeroak, okela eta kontserba ekologikoak, eta baita lore idorrak ere.

Produktu freskoak eta sortu berriak izango dira, kasu askotan artisautzako prozesuen bidez ekoizten direnak, eta saltzailea zuzenean ekoizten duen pertsona bera izango da; ezaugarri horiek guztiak Baserritik Plazara programaren baldintzak eta ezaugarriak dira.


296 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin