Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Barandiararen eta Koldo Mitxelenaren testuak jaso dituzte Euskal Klasikoak saileko bi ale berrietan, ingelesez


2009-02-09 13:12

BILBO, 9 (EUROPA PRESS)

Bizkaiko Foru Aldundiko Kultura diputatu Josune Ariztondok, Eusko Ikaskuntzako eta Nevada-Renoko Unibertsitateko Center for Basque Studies-eko Aholku Batzordeko kidea den Pello Salaburuk eta Nevadako Unibertsitateko irakaslea eta aipatu zentroko Euskal Ikasketen Egitarauko lehenengo koordinatzailea den William A. Douglassek Euskal Klasikoak/Clasicos Vascos/Basque Classics bildumaren ingelesezko bi ale berri aurkeztu dituzte.

Autore klasikoen lanak dira biak: batetik, Jose Miguel Barandiaranen idazkien sail bat, Jesus Altunak bildutakoa; eta, bestetik, Koldo Mitxelenaren idazki sorta bat, Pello Salaburuk bildutakoa. Selected Writings of Jose Miguel de Barandiaran: Basque Prehistory and Ethnography. Introduction by Jesus Altuna da lehenaren izenburua eta Koldo Mitxelena: Selected Writings of a Basque Scholar. Compiled and with an introduction by Pello Salaburu bigarrenarena.

Argitalpen horiek dagoeneko bilduma berean plazaratutako beste biri batu zaizkie: The OldLaw of Bizkaia, 1452 (2005), Bizkaiko Foru zaharraren lehenengo bilduma zabala, eta Anthology of Apologists and Detractors of the Basque Language (2006), XVI. mendeaz geroztiko euskal apologisten testu-bilduma bat, Juan Madariaga irakasleak eginikoa.

Antologia horiek guztiak Bizkaiko Foru Aldundiak eta Center for Basque Studiesen Adiskideak/CBS de la Universidad de Reno-Nevada elkarteak lankidetzan jarduteko sinatu zuten hitzarmenaren emaitza dira. 2004an sinaturiko hitzarmen horren helburua da euskal testu klasikoak ingelesez eskaintzea eragin handieneko unibertsitate eta hedabideei eta AEBetako liburutegietako adituei eta ingelesdun adituei.

Bilduma hori hiru irakaslek zuzentzen dute, Gregorio Monrealek, Pello Salaburuk eta William Douglassek, eta liburuak argitaratzen jarraituko du. Izan ere, beste hiru ale plazaratuko dira: Los Vascos, Caro Baroja; Les Basques, Veyrin; eta Antologia, Caro Baroja.


351 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin