Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Barakaldoko Gospel Jaialdia hasiko da bihar, Harlem Arc Gospel Choir taldearen emanaldiarekin


2006-12-13 13:37

BARAKALDO, 11 (EUROPA PRESS)

Barakaldo Antzokiak bihar hasiko du urteroko Gospel Jaialdia, Harlem Arc Gospel Choir talde estatubatuarraren emanaldiarekin. Guztira, 22, 21 eta 8 taldekide dituzten hiru koru arituko dira Barakaldon, bihar, hilaren 16an eta 21ean, eta kontzertuak iluntzeko 20,30etan hasiko dira.

Aipatu bezala, lehenengo emanaldia bihar izango da, Harlem Arc Gospel Choir taldearekin. 22 ahotsez osaturiko abesbatza, Harlemgo Drogazaleen Errehabilitaziorako Zentro ospetsuarekin loturik egon da 1970ko hamarkadan sortu zenetik.

Larunbatean The Mississippi Mass Choir arituko da. 1988an sorturiko koruak hainbat sari lortu ditu azken urteetan musika mota honi eginiko ekarpenengatik, hala nola Gospel Koru Onenaren Grammy Saria.

Azkenik, hilaren 21ean The Campbell Brothers taldeak abestuko du, Sacred Steel izenburuko ikuskizuna eskainiz. Gospel estiloko musikaz gain, pedalezko gitarrak eta ahotsak dira ikuskizunaren ezaugarri nagusiak. Mendekoste elizetako errepertoriotik harturiko material anitza eskaintzen dute, inoiz entzun ez diren soinu, ahots eta erritmoak interpretatuz.


193 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin