Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Barakaldoko El Regato ikastetxeko ikasleek jaso dute Teknoskopioa asmatzaile gazteentzako ideia-lehiaketaren saria


2006-11-10 17:54

DONOSTIA, 10 (EUROPA PRESS)

Teknoskopioa asmatzaile gazteentzako ideia-lehiaketaren sari-banaketa egin da gaur goizean Donostiako Zientziaren Kutxagunean. Elhuyar Fundazioak, Saretekek, Eusko Jaurlaritzako Hezkuntza Sailak eta Zientziaren Kutxaguneak, elkarlanean, Batxilergoko eta Lanbide Heziketako ikasleentzat antolatutako lehiaketa da, eta Zientziaren Asteko ekintzen barruan kokatu da.

Edizio honetan, Barakaldoko El Regato ikastetxeko ikasleak izan dira irabazleak, eta epaimahaiaren ustetan nabarmentzekoa izan da nolako ikuspuntu zabal-sakonez heldu dioten energiaren auzia 2050. urtean gaiari. Talde irabazleetako kideek MP4 irakurgailu bana jaso dute, Eroskiri esker. Lan irabazlea eta aurkeztu diren beste guztiak www.zientzia.net/teknoskopioa helbidean dira ikusgai.

Sariak banatzeko ardura erakunde antolatzaileetako ordezkariek izan dute: Zientziaren kutxaGuneko zuzendari nagusia, Javier Sabadell; Elhuyar Fundazioko zuzendari nagusia, Itziar Nogeras; Saretekeko zuzendari albokoa, Alfredo Gomez; eta Eusko Jaurlaritzako Hezkuntza Berriztatzeko zuzendaria, Juan Jose Agirrezabala.

Aurtengo irabazleez gain, 70 gaztetxo inguru ere elkartuko dira (parte-hartzaileak eta haien gelakideak) eta irabazleen ahotik lan irabazlearen nondik norakoak ezagutzeaz gainera, Zientziaren kutxaGuneko museoa Planetarium-a ere ezagutzeko aukera izan dute.


267 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin