Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bangladesh.- Gutxienez 25 lagun desagertuta daude beren ontzia beste baten kontra talka egin ondoren


2009-01-20 13:11

CHANDPUR (BANGLADESH), 20 (EUROPA PRESS)

Gutxienez 25 langile desagertuta daude zihoazen arrantza-ontzia atzo arratsaldeko lehen orduan Meghna ibaian hondoratu eta gero, Dhashani zonaldean, Krishna barrutiko Poliziaren buruzagi Pada Royk baieztatu duenez.

Royk azaldu du Sabbir-1 arrasta-ontziak 50 langile zeramatzala eta beste ontzi batekin talka egin ondoren hondoratu zela. 25 lagunek igeri eginez kostaldera iristea lortu zuten, baina beste 25 desagertuta daude, The Daily Star egunkari bangladeshtarrak jakinarazi duenez.

Alurbazar zonaldean ibaian egin beharreko lana bukatu ondoren, biktimak lotan zeuden istripua gertatu zenean. Tokiko urpekariek bi motor-ontziren laguntzarekin hasi zuten salbamendu-operazioa istripua gertatu eta 12 ordura, baina oraindik ez dituzte ez biktimak ezta ontzia ere berreskuratu.

Diver Jahangir tokiko arduradunetako batek esan du ez dela gaur arte posible izan biktimak aurkitzea, uraren sakonera 60 oinera arte iritsi daitekeelako eta istripuaren tokia ilunegi zegoelako gauez.

Pabna barrutiko Kanon izeneko bizirik atera den langileetako batek adierazi duenez, istripua istant batean gertatu zen, nahiz eta Jamal lankideak alarma eman zuen bi ontziek talka egingo zutela ohartaraziz. Geroago, gehienak ibaira jauzi egin eta ibaiertzera igeri eginez heltzen saiatu ziren, baina besteek ezin izan zuten jauzi egin lotan zeudelako, azaldu du Kanonek.


97 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin