Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bakioko Liburutegiak datorren astelehenean emango ditu bukatutzat Hondartzako liburuak jardunaldiak


2006-08-18 10:43

Bestalde, guztira 20 artisau arituko dira igandean bertoko artisautza azokan

BILBO, 18 (EUROPA PRESS)

Bakioko Liburutegiak datorren asteko astelehenean, abuztuak 21, emango die amaiera Hondartzako liburuak izeneko jardunaldiei, non 6 eta 12 urte bitarteko umeentzat kostalde bizkaitarrean aitzindari den ekimen bat bihurtu den liburuen inguruan jokuak eta tailerrak antolatzen baitira uretatik gertu.

Udalerri bizkaitar honetako iturriek gaur bertan prentsa-ohar baten bidez adierazitakoaren arabera, umeek tailer mota ezberdinetan parte hartu eta gozatu ahal izango dituzte, hala nola hondartzako harrietan idazketa zein marrazketa, maskorrekin argazkiak, egurra eta harriak, izozki zein collage erako poesiak edota txartelak garatzeko aukera emango zaie haurrei.

Bakarne Egia Bakioko Kultura zinegotziak adierazten duenez, ekimen honekin hondartzan liburu eta aldizkarien mailegua edukiko duen irakurketa gune baten aurrekari bat antolatzea da. Uda honetan jardunaldi hauetariko beste hiru egin dira eta astelehenekoan, euria egiten badu, tailerrak liburutegiko lokaletan antolatuko dira.

ARTISAUTZA AZOKA

Bestalde, Bakioko jaien atarian, guztira 20 artisau izango dira igande honetan, abuztuak 20, Bakioko artisautza azokan. Bentako plazan ospatuko da merkatu honen XIV. edizioa eta bertan izango dira Euskal Herriko lau probintzietako artisauak. Egurra azokaren ardatz izango dan honetan, artisauk euren artikuluak erakutsiko dituzte goizeko 10,30etatik eguerdiko 14,30etara eta arratsaldeko 17,30etatik 20,30etara zabalik egongo den azoka honetan.

Parte hartzaileetatik, hamarrentzat euren lanaren leit motiva egurra bere alderdi desberdinetan lantzea da, gaztainondoez otzarak egitea, kutxatzarrak lantzea, tornuaz aritzea edo egurrezko jostailuak egitea aipatzen ditu Floren Zabala zinegotziak. Bitartean, gainontzeko artisauek beste hainbat produktu eskainiko dabez, hala nola, abarketak, zeramika, koadernazioa, forja artistikoa, bitxigintza edo beira.

Azokak umeentzako espazio bat ere izango dau. Bertan, egurrarekin lotutako tailerrak burutuko dira, eta umeek egur mota desberdinak ezagutu eta elkarrengandik bereizten ikasiko dabe. Horrez gain, paper birziklatuarekin lotutako beste tailer bat ere izango da, zinegoztiaren esanetan.

Beste alde batetik, Zabala pozik agertu da edizio bakoitzak artisautza postuak berritzea dakarrelako eta bere esanetan aurten 12 dira aurreko urtean berton izan ez ziren tailer barriak eta horietako lau lehenengo aldiz datoz azoka honetara. Horrez gain, publikoa bertara hurbiltzeko gonbidapena luzatzen du profesional onen erakustaldiak ikusi eta objektu esklusiboak eskuratu ahal izateko.


197 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin