Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bakearen Nobel Saria 2004an irabazitako emakumea Euskadin izango da datorren astean ingurumen hitzarmen bat sinatzen


2006-08-30 13:23

CO2 emisioen konpentsazioko hitzarmena sinatuko du Eusko Jaurlaritzarekin eta hitzaldi bat ere eskeiniko du

GASTEIZ, 30 (EUROPA PRESS)

Esther Larrañagaren zuzendaritzapean dagoen Eusko Jaurlaritzako Lurralde Antolamendu eta Ingurumen Sailak gonbidatuta, 2004. urtean Bakearen Nobel Saria jaso zuen Kenyako Wangari Muta Maathai andrea datorren astean Euskadin izango da CO2 emisioen konpentsazioko hitzarmena bat sinatzeko.

Jaurlaritzatik komunikatu batean adierazten denez, hitzarmen horren bitartez, Jaurlaritzaren berezko jarduerak eragiten dituen CO2 emisioak konpentsatuko ditu Eusko Jaurlaritzak, Afrikan basoak berritzeko proiektuen bitartez. Gainera, hitzaldi bat ere eskeiniko du Nobel Sariak.

Wangari Maathai irakasleari duela bi urte eman zioten Bakearen Nobel Saria, Green Belt Movement Fundazioaren bitartez garapen iraunkorraren, demokraziaren eta bakearen alde egindako lanarengatik. Maathai bera da fundazioaren presidente; hiru hamarkada daramatzate Afrikako emakumeak mobilizatzen eta dagoeneko 30 milioi zuhaitz inguru landatu dituzte.

Irailaren 4an, astelehena, helduko da Maathai Euskal Herrira; Esther Larrañaga sailburuak egingo dio harrera, eta Gernikako arbola eta Batzar Etxea ikustera joango dira. Hilaren 5ean, asteartea, Maathaik hitzaldia emango du Bilboko Guggenheim Museoko Auditoriumean, arratsaldeko 19,30ean; ingurumenari buruzko hitzaldia izango da, ingurumena giza eskubidetzat eta bakea eraikitzeko funtsezko oinarritzat hartuta.

Irailaren 6an, asteazkena, goizeko 9,00etan, Juan Jose Ibarretxe lehendakariak Ajuria Enea jauregian hartuko du Wangari Maathai profesorea. Bilkura horren ostean, lehendakariak, Nobel saridunak eta Larrañaga sailburuak agerraldia egingo dute hitz egindakoaren berri emateko, eta gobernu-ekintzan ezinbestean sortzen diren CO2 emisioak konpentsatze aldera Eusko Jaurlaritzak Green Belt Movement Fundazioarekin eta Ekopass erakundearekin sinatutako lankidetza-hitzarmenaren xehetasunak aditzera emango dituzte.

Esther Larrañagaren Sailak zenbait bilera ere hitzartu ditu euskal erakunde, Unibertsitate, GKE eta mugimendu ekologisten ordezkarien eta Maathai profesorearen artean, gure erkidegoan nahiz mundu osoan ingurumen-egoerari buruzko ikuspegiak elkarri adierazteko.


258 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin