Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bakearen Aldeko V. Astea izango da Bilbon urtarrilaren 26tik otsailaren 1era, bakearen kultura zabaltzeko asmoz


2009-01-23 13:19

BILBO, 23 (EUROPA PRESS)

Bilboko Areatzan jarriko den karpan egingo dira Sortu bakerako guneak goiburua duen Bakearen Aldeko V. Asteko ekitaldi guztiak, urtarrilaren 26tik otsailaren 1era bitartean. Elkarte hauek hartu dute parte jarduera antolatzen: Zinhezba, Bakeaz, EDE Fundazioa Bakeola, Euskadiko Gazteriaren Kontseilua, Itaka-Escolapioak Fundazioa, Bakearen Aldeko Koordinakundea, Izan ere elkartea, Lokarri eta Bilboko Udaleko Enplegu, Gazteria eta Kirol Saila.

Areatzako karpa arratsaldez egongo da zabalik 16.00etatik aurrera, eta bertan egingo dira Bakearen aldeko Asteko ekitaldi guztiak. Aurten, aurreko urteetan ez bezala, Bilbon bakearen alde diharduten elkarteek standak ipiniko dituzte euren helburuen eta jardueren berri zuzenean emateko herritarrei. Han izango dira hitzaldiak, zinema, eztabaidak, kontzertuak eta erlijioen arteko ekitaldia. Sonia Ruedaren Muros de la vergüenza izeneko argazki-erakusketa ere egingo da, munduan dauden hogei bat horma fisikori buruzko gogoeta, hain zuzen.

Bilboko Udaleko Enplegu, Gazteria eta Kirol Saileko zinegotzi Jon Sustatxaren esanetan, Bakearen aldeko Astearen helburua herritarren artean bakearen kultura zabaltzea, hausnarketa egitea eta konpromisoa sustatzea da, xedea gatazkak indarkeriarik gabe konpontzeko gaitasuna gizartean zabaltzea izanik.

Asteak baditu beste helburu berezi batzuk ere, hala nola gaia landu nahi duten elkarteen edo norbanakoen esku jartzea bakeari buruzko kulturaren arloko informazioa, euren partaidetza bultzatzeko;

bakearen kulturak duen garrantziaren gaineko hausnarketa bultzatzea;

bakearen eta indarkeria ezaren arloan Bilbo hiri konprometitua dela agertzea eta bakearen kulturarekin konprometitutako Bilboko elkarteen lanaren onarpena eta lan horri laguntzea, hirian elkarte horiek eta bakearen sarea indartzeko.

Programazioari dagokionez, egun bakoitzean jarduera bat burutuko da, 19:00etan hasita. Sarrera dohainik izango da eta zabalik egongo da bakearen aldeko ekimenetan parte hartu nahi duten guztientzat. Jarduera guztiak Areatzan ipiniko den karpan egingo dira, besteak beste, bakearen aldeko elkarrizketak, zine-foruma, hitzaldi eta eztabaidak, erlijioen arteko ekitaldi bat, Berebereen musikako kontzertu bat edo ibilaldia bizikletaz.


330 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin