Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bai Euskarari Ziurtagiria lortu duten enpresen ahalegina saritzeko ekitaldia aurkeztu du gaur Donostian Kontseiluak


2006-02-23 12:14



DONOSTIA, 23 (EUROPA PRESS)

Bai Euskarari Ziurtagiriaren urteko ekitaldi nagusia martxoaren 1ean izango da Donostiako Kursaal aretoan eta Kontseiluak gaur goizean aurkeztu du berau hiriburu donostiarrean eginiko prentsaurrekoan.

Aurten ere Euskararen Gizarte Erakundeen Kontseiluak aitortza berezia egin nahi die Bai Euskarari Ziurtagiria lortu duten 1.190 enpresa, saltoki eta bestelako entitateei. 2006ko ekitaldi nagusian ziurtagiria lortu dutenak izango dira protagonista, haien ahalegina baita euskarak behar duen bultzada, adierazi du Kontseiluko idazkari nagusiak, Xabier Mendigurenek. Era berean, idazkari nagusiak ekitaldiaren garrantzia azpimarratu du: entitateen ahalegina jendaurrean aitortu nahi dugu.

Ekitaldi nagusian instituzioetako eta gizarte arlo askotako ordezkariak izango dira. Halere, arreta guztia Bai Euskarari Ziurtagiria jaso dutenentzat izango da. Kontseiluko Zuzendaritzak ziurtagiridunei Nestor Basterretxearen artelan baten lamina banatuko die. Iparralde-Hegoalde da Nestor Basterretxea artistak espresuki prestatutako lanaren izena. Iparralde eta Hegoaldean euskararen presentzia areagotu behar dugula ondo dakite Bai Euskarari Ziurtagiriarekin konprometitzen direnek, azaldu du Mendigurenek.

Aurten, hizlari gisa, gonbidatu berezia ekarriko du Kontseiluak Felix Martí, Linguapaxeko Nazioarteko Batzordearen lehendakaria eta UNESCOren Kataluniako zuzendari ohia. Felix Martík elkarteek egiten duten lanaren garrantzia azpimarratuko du, izan ere, eremu sozio-ekonomikoan bidea egiten dutela aipatu du. Gainera, Bai Euskarari Ziurtagiria euskararen normalizazioan aurrera egiteko tresna egokia dela azalduko du Felix Martík.

Kursaalean egingo den ekitaldian bertan, Kontseiluak Bai Euskarari Ziurtagiriaren publizitate kanpaina aurkeztuko du. Aurten iragarkiaren helburua emandako pausoa aitortzea da eta Bai Euskarari Ziurtagiria aintzat hartzeko deia da. Izan ere, kanpainaren leloa aintzat hartu da.

KOMUNIKABIDEEN ALGUNTZA

Elena Irureta aktore da publizitate kanpainaren irudia. Euskal Herrian euskarazko filmak eta telesailak egiteagatik ezaguna da, besteak beste, azkenetako duen Aupa Etxebeste! euskarazko pelikulagatik. Gertutasuna erakusten du Elena Iruretak, euskarak duen hurbiltasuna, alegia, aditzera eman du Kontseiluko idazkari nagusiak.

Publizitate kanpaina zabaltzeko Kontseiluak Euskal Herriko komunikabideen laguntza izango du. Hedabideei eskerrak eman nahi dizkiegu Bai Euskarari Ziurtagiria sustatzeagatik, eskertu du Xabier Mendigurenek.

Bestetik, Kontseiluak aurten Bai Euskarari Ziurtagiriak izandako hazkundea aipatu du. Jada 1190 Bai Euskarari Ziurtagiri banatu dira, hau da, 2005ean %43ko hazkundea izan du. Bai Euskarari Ziurtagiria orain dela bost urte eta erdi sortu zuen Kontseiluak eta garapen egokia izaten ari da, aitortu du ziurtagiraren arduradunak, Rober Gutierrezek. Gainera, maila goreneko ziurtagiria hedatuz doala aipatu du: Dagoeneko Guk zerbitzua eta lana euskaraz maila ehun enpresek lortu dute.

Informazio gehiago interneten www.baieuskarari.org helbidean


205 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin