Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bad Machine finlandiarrek lau kontzertuko bira egingo dute Euskal Herrian irailaren bukaeran Motörfreakout aurkezteko


2006-09-18 18:15

BILBO, 18 (EUROPA PRESS)

Bad Machine talde finlandiarrak lau kontzertuko bira egingo du Euskal Herrian irailaren 27tik 30era bitartean, Motörfreakout izenburuko disko berria aurkezteko. Burlatako Black Rose, Durangoko Plateruena kafe antzokia, Bermeoko Jose Done Ikastetxeko Kapera eta Gasteizko Helldorado aretoa izango dira agertokiak, biraren antolakuntzako iturriek jakinarazi dutenez.

Bad Machine punk rock soinuak egiten dituen laukote finlandiarra da, Electric Frankenstein, Zeke edo Motörhead taldeen eragin garbiarekin. Europa eta AEBtako mendebaldeko kostaldea zeharkatu dute, Puffball, Rickshaw, Smut Peddlers, Nads, Ny-Rel X, Marylim bezalako bandekin batera joz.

Taldearen lehenengo diskoa Rip Your Heart izan zen, Deadbeat Records zigilu estatubatuarrak 2002an argitaratua. Ondoren, 7 bat kaleratu zuten Rickshaw suediarrekin batera. Oraingoan, estudioko beraien bigarren lana aurkeztera hurbilduko dira Euskal Herriko agertokietara: Motörfreakout (2006).

Gainera, Durangoko kontzertuan House of Lords eta Tigertailz taldeekin batera joko dute, eta Gasteizkoan, aldiz, Roy Loney & the Longshots, Las Membranas eta Los Garajillos en Ciudad Sumisión bandekin. Burlatako eta Bermeoko kontzertuak dohainik izango dira.


351 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin