Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Babes ofizialeko 294 etxebizitza eta gazteentzako bizitoki eraikiko dira Bilboko Ametzola auzoan


2009-02-12 17:08

BILBO, 12 (EUROPA PRESS)

Visesa Eusko Jaurlaritzako Etxebizitza eta Gizarte Gaietarako Saileko Etxebizitza Publikoaren Sustapenerako Elkarteak eta Bilboko Udal Etxebizitzak elkarteak hitzarmen bat sinatu dute gaur Ametzolan 294 etxebizitza berri eraikitzeko. Zehazki, Bilboko Udal Etxebizitzak erakundeak 170 bizitoki eraikiko ditu 35 urtetik beherako gazteentzat, eta Visesak, Babes Ofizialeko 124 etxebizitza. Lanak 2010. urtean hastea aurreikusita dago.

Etxebizitza Saileko sailburuorde Javier Buronek eta Udal Etxebizitzetako presidente eta Bilboko Udaleko alkateorde Julia Madrazok sinatutako akordioak 33 milioi euro baino gehiago (33.275.928) suposatzen ditu; horietatik 16 milioi Visesarenak dira, eta gainerakoak Bilboko Udal Etxebizitzarenak.

Bi proiektuak Ametzolan bertan eta garai bertsuan egitekoak zirenez, akordio honetara iritsi gara. Honi esker, ahaleginak batuko ditugu eta etxebizitza erosteko zail dutenentzako etxebizitza publikoen eraikuntza dinamizatu eta kudeatzea errazagoa izango da, azaldu du Julia Madrazok hitzarmena sinatzean.

Bilboko Udal Etxebizitzen kasuan, sustapen honetan 35 urtetik beherako gazteentzako 170 bizitoki eraikiko dira. Lehenengo etxebizitzaren bila dabilen bizilagun gaztearen beharrak asetzeko lehenengo urratsa izango den etxebizitza gisa hartu behar da bizitoki hau, adierazi dute. Bizitoki hauek gehienez bost urterako esleituko dira, eta etxebizitza guztiek logela bat, egongela bat, sukaldea eta bainugela izango dituzte. Sei etxebizitza gordeta egongo dira ezgaitasunen bat duten pertsonentzat.

Lehenengo aldia da Bilboko Udal Etxebizitzak halako bizitokiak egiten dituena. Hauen bitartez, gazteriaren eskaera premiazko eskaerari erantzun nahi diogu, azaldu du Julia Madrazok.

Ametzolako higiezin berria printzipio bioklimatiko eta energi eragingarritasunezkoen arabera diseinatu dira. Gune komunitarioak ditu (arropa-garbitegia, hondakinak birziklatzeko gune bat, txokoa, Wi-fi gunea), eta eraikinaren garajeak gazteentzako bizitokiei dagokien aparkalekuak gordeta izango ditu, eta beste bat ere bai, 80 lekutakoa, Ibilgailuentzako Udal Gordailurako.

BABES OFIZIALEKO ETXEBIZITZAK

Bestalde, Visesak babes ofizialeko 124 etxebizitza eraikiko ditu, logela bat, bi, hiru eta laukoak, eta beheko solairuetan merkataritza lokalak. Lur azpiko eraikuntzan, etxebizitzei lotutako trastelekuak eta aparkalekuak kokatuko dira, eta 50 aparkaleku libre ere bai. Arkitekturazko proiektuaren diseinuak hegoalderako orientazioa du etxebizitza guztietarako, eta ez dago barreneko patiorik. Visesak hartuko du ingurua urbanizatzeko ardura.

Akordioari esker, baliabideak optimizatuko dira; izan ere, bi erakundeen lur-zati eraikigarriak mugakideak dira eta lanak batera burutuko dira. Hala, lanetan arkitekturazko ekipoak eta eraikuntza enpresa partekatuko dira. Modu horretan, proiektuen koordinazio egokia eta izaera homogeneoa bermatuko da.

Hitzarmenak bi urteko indarraldia du. Epe horretan, sustapenen administrazio gaiez eta lizitazioa esleitu arteko kudeatzeaz arduratuko da Visesa. Behin lanak esleituta, bai Bilboko Udal Etxebizitzak, bai Visesak banatuta bereganatuko dituzte euren sustapenak.


149 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin