Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Azoketako bisitariak identifikatu eta aurkitzeko balio duen programa aitzindari batean hartuko du parte Irungo Ficobak


2006-12-11 13:12

DONOSTIA, 11 (EUROPA PRESS)

Irungo Ficoba erakustazokak RFID teknologia aplikatzen duen programa aitzindari batean hartuko du parte. Programaren helburua azoketako bisitariak identifikatzeko eta aurkitzea da, erakustazoka gipuzkoarreko iturriek jakinarazi dutenez.

Azoka batera doan bisitari baten datu gehienak edukitzea, noiz sartzen den pabiloian, zein ibilbide egiten duen, zein stand bisitatzen dituen edo zenbat denbora ematen duen, jakin beharreko datuak dira erakusketariek ebalua dezaten beren parte hartzea azoka-ekitaldi batean.

Horregatik, Ficobak erakusketariei zerbitzurik eraginkorrena eskaini nahi dienez, bere instalazioetan RFID teknologia gehitzeko proiektu aitzindari batean parte hartzea erabaki du. Gaur egungo barra-kodearen ordezkoa izan litekeen teknologia horri esker, datuak etiketa batean hartu ahal dira irrati-uhinen bidez, eta ez da ikuspegi-lerrorik behar irakurgailuaren eta etiketaren artean.

RFID (Radio Frequency Identification), datuak gordetzeko eta berreskuratzeko urruneko metodoa da, eta RFID tag edo etiketa izeneko dispositiboak erabiltzen ditu. Dispositibo txiki bat da RFID etiketa, eranskailu baten antzekoa, eta produktu bati, animalia bati edo pertsona bati itsatsi edo gehitu ahal zaio. RFID etiketek dituzten antenen bidez jaso eta erantzun ahal dira RFID igorle-hartzaile batetik bidalitako irrati-maiztasunaren bidezko eskariak.

Proba pilotua behar bezala ateratzen bada, etorkizuna izango dute etiketa hauek Ficobako bisitarien akreditazio sisteman. Horretarako, hainbat antena jarriko dira erakustazokaren puntu jakin batzuetan, eta horri eta esker hobetu eta zehaztu egingo da erakusketariei ematen zaien informazioa, azoka ebalua dezaten edo, datuak ikusita, hainbat aldaketa egin ditzaten erakusteko estrategian.

Irungo hainbat enpresarekin parte hartuko du Ficobak programa pilotu honetan: hardwaren espezializatuak diren BSM enpresekin; txipen diseinuan espezializatua den Inciderekin, eta Cima Nafarroako software enpresarekin. RFID teknologiaren funtzionamendu errealaren proba pilotua Ficoban, otsailaren 21etik 23ra izango da e-xpologistika erakusketarekin batera.

Logistika enpresaren zerbitzura izenburuarekin iritsi da e-xpologistikaren hirugarren edizioa Ficobara; oraingo honetan, foro profesional gisa aurkeztuko da, eta hiru ardatz handitan oinarrituko da ekitaldia: erakusketaren alderdia, hedatzearen alderdia, hainbat mintegi trinkoz osatua, eta alderdi praktikoa, kate logistiko oso bat ikusi ahal izango baita zuzenean azken honetan.


145 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin