Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Azkuna alkateak gaur inauguratu du Indautxu plaza berria, hiritarrentzat esparru irisgarriagoa egiteko lanak bukatuta


2006-08-18 13:20



BILBO, 18 (EUROPA PRESS)

Bilboko Udalak aurrikusita zegoen baino bi hilabete lehenago inauguratu du gaur Indautxu Plaza. Bertan egindako eraberritze lanei esker, esparru zabalago eta gardenagoa lortu da, oztopo arkitektoniko guztiak ezabatuz, Udal bilbotarretik adierazten denez.

Plazaren diseinua Ander Market arkitektoari enkargatu zitzaion, horretarako antolatutako ideia-lehiaketa publikoa irabazi ondoren. Ander Market-en proiektua aukeratu zuen epaimahaia arkitektoen elkargoko eta hainbat erakundetako ordezkariek osatuta zegoen.

Proiektuaren ekarpen nagusia, plazaren erdialdean 40 metroko diametroa duen biribil handi baten sorrera izan da, hiri-altzaririk gabekoa. Gertakari ugari antolatzea erraztuko duen topagune zabal honen markesinaren inguruan, zuhaizti handi bat eratu da.

Proiektua, diseinua amaitu ondoren, inguruko zenbait saltoki eta dendetan, merkatari elkarteetan eta Udaltegian ere egon zen ikusgai lanei ekin aurretik, hiritarrek iritzia eman ahal zezaten. Jarduketa honi esker, oinezkoek luze-zabal osoan erabili ahal izago dute esparru hau, Indautxu Plaza erdibitzen zuen Gregorio de la Revilla kalearen zatia oinezkoentzako gune bihurtu baita, esparruari itxura uniformeagoa eta erosotasun handiagoa emanez.

IA 5 MILIOIKO AURREKONTUA

Plazan eskailera eta arrapala mekanikoak instalatu dira merkataritza-galeriara, metro geltokira eta lurrazpiko aparkalekura erosotasunez joan ahal izateko. Plazako zuhaitz kopurua erruz ugaldu da, orain 110 zuhaitz baitaude bertan, lehengo 35 zuhaitzen aldean. Zuhaitz bakoitzaren inguruan, lorategi borobilak jarri dira, diametro aldakorrekin.

Azalera ahalik eta handiena egin da, lorategien eta eserlekuz hornitutako egonlekuen arteko ibilerak errazteko asmoz. Plazako bide nagusiek gutxienez bi metro dituzte zabaleran, eta argiekin seinalizatuta daude. Horrez gain, oinekin sentitzeko moduko piezak jarriko dira, itsuei bidea errazteko.

Lanak iazko uztailean hasi ziren, 4.655.241 euroko aurrekontuarekin, eta aurrikusitako epea 13 hilabetekoa bazen ere, jarduketa osoa 11 hilabetetan amaitzea lortu da.


163 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin