Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Azkaingo 43 enpresa, elkarte, saltoki eta erakundek jaso dute Kontseiluaren Bai Euskarari Ziurtagiria


2006-10-18 12:33

BILBO, 18 (EUROPA PRESS)

Azkaingo 43 enpresa, elkarte, saltegi eta era guztietako erakundek eskuratu dute Kontseiluaren Bai Euskarari Ziurtagiria. Hauetatik gehienek euren konpromisoa berritu dute, baina sei erakunde berrik ere proiektuarekin bat egitea erabaki dute aurten, Kontseiluko iturriek gaur azaldu dutenez.

Duela bi urte sartu zen Azkaingo herria Bai Euskarari Akordioa Herrietan egitasmoan eta denbora honetan proiektu anitz jarri dituzte martxan, marrazki lehiaketa eta Bai Euskarari zozketa, besteak beste. Oraindik hasiberriak zarete, baina espero dugu orain arte bezain ongi jarraitzea, zoriondu ditu Kontseiluko idazkari nagusi Xabier Mendigurenek.

Iaz 42 eragilek eskuratu zuten Bai Euskarari Ziurtagiria euskararen alde konprometitzeagatik. Urte bat geroago, seinaletika edota fakturak elebitan ezarri dituzte, baita menuak eta gutunak ere, besteak beste. Ziurtagiriaren helburua euskararen erabilera handitzea da, euskara eguneroko bizian normaltasunez erabili ahal izateko.

Argi da euskarak iaz baino leku gehiago duela Azkainen, iaz baino gehiago ikusten dela, adierazi dute Kontseiluko ordezkariek. Lan handi hau omentzeko asmoz, Nestor Basterretxearen artelana oparitu zaie gaurko ekitaldian ziurtagiridunei.

Bai Euskarari Akordioaren prozesuan sartu diren Iparraldeko lehen herrien artean da Azkaine, eta beste herrientzat eredugarri bilakatzea espero dut, adierazi du Azkaingo auzapez Jean-Louis Laduchek. Halaber, Bai Euskarari Ziurtagiriari buruz zera esan du: euskara ez dakiten herritarrak errespetatuz, euskara eta euskararen gaia plazaratzen duzue.

Euskal Konfederazioko idazkari Sebastien Castetek ere Bai Euskarari Akordioari egin dio erreferentzia. Euskara sustatzea ez da beti erraza eta horregatik plazer ematen du Bai Euskarari bezalako ekimenetan jendea inplikatzen dela ikusteak, esan du.

Bestalde, euskararen ofizialtasunaren inguruan adierazi du zaila dela hizkuntza politika bat aurrera eramatea ofizialtasunik gabe. Baina egunez egun, bakoitzak bere urratsak emanez, bere esku dituen ahalekin, euskara ofiziala bilakatzen dugu, adierazi du Euskal Konfederazioko kideak.

Bukatzeko, Xabier Mendigurenek ziurtagiridunak zoriondu ditu eta elkarlanean jarraitzeko Kontseiluak sortutako tresna berriaren, Bai Euskarari blogaren berri eman die. Blog honen bitartez zuek, Bai Euskarari Herrietan Akordioan parte hartzen duzuenok, egiten duzuena azaltzeko aukera izango duzue, azaldu du.

www.blogari.net/BaiEuskarari da blogaren helbidea eta akordioaren partaideak dira bertako egile eta protagonistak. 1.340 erakundek eskuratu dute Bai Euskarari Ziurtagiria dagoeneko. Duela gutxi Azkoitian izan ginen eta hurrengo astean Ziburun izango gara, iragarri du Mendigurenek.


167 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin