Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Autokarabana baten barruan lapurtzen harrapatu duten 25 urteko gizon bat atxilotu dute Sestaon (Bizkaia)


2009-01-20 12:48

BILBO, 20 (EUROPA PRESS)

Ertzaintzaren agenteek 25 urteko gizonezko bat atxilotu zuten atzo arratsaldean Sestaon (Bizkaia), zenbait autokarabanatan indarkeriaz egindako lapurretaren delitu bat egotzita, Eusko Jaurlaritzako Herrizaingo Saileko iturriek gaur jakinarazi dutenez.

Atzoko 18:00ak jotzeko gutxi falta zenean, herritar batek Sestaoko Karmen auzoan dagoen autokarabanentzako aparkaleku batera poliziak bidaltzeko eskatu zuen. Dirudienez, minutu batzuk lehenago, deia egin zuen pertsona aparkalekuan bertaratu zen eta bere autokarabanak eta aldameneko beste batek zenbait kalte zituztela ikusi zuen.

Patruila bat bertaratu zen eta salatzailearen ibilgailuak leihatila bat bortxatuta zuela eta autokarabanaren barruan zaratak entzuten zirela egiaztatu zuten agenteek. Ertzainak ibilgailuan sartu ziren eta bihurkin bat zeraman gizon bat aurkitu zuten ohatzeetan ezkutatuta. Halaber, bertan aparkatuta zegoen beste autokarabana batek indarkeria zantzuak zituela egiaztatu ahal izan zuten agenteek.

Agenteak susmagarria identifikatzen saiatu ziren, baina gizonak ez zeraman inolako agiririk, eta, jarraian, atxilotu egin zuten. Atxilotua polizia egoitza batera eraman zuten, dagozkion eginbideak egin ostean, epailearen esku uzteko.


260 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin