Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Autokarabana bat lapurtzen harrapatu dituzte lau gizon atxilotu dituzte Donostian, bat adingabea


2009-01-08 12:58

DONOSTIA, 8 (EUROPA PRESS)

Ertzaintzaren agenteek lau gizonezko (horietako bat adingabea) atxilotu zituzten atzo arratsaldean Donostian, autokarabana batean lapurtzea egotzita. Ustezko lapurrak sabaiko leihotik sartu ziren ibilgailura eta barruko zenbait gauza ostu nahian zebiltzala harrapatu zituen patruila batek, Herrizaingo Sailak gaur jakinarazi duenez.

Gertakariak atzo arratsaldean jazo ziren, 13:15ean. Ordu horretan, Donostiako Zarategi kalean aparkatuta zegoen autokarabana baten jabeak Ertzaintzari deitu zion gizonezko batzuk bere ibilgailuan ikusi baitzituen.

Patruila bat bertaratuta, autokarabanako sabaiko leihoa hautsita eta ibilgailuko ateak irekita aurkitu zituen. Agenteek furgoneta ikuskatu zuten eta lau gazte aurkitu zituzten barruan. Susmagarriak identifikatzerakoan, horietako hiruk ihes egin zuten bertatik; apur bat geroago atxilotu zituzten. Bat indarrez atxilotu behar izan zuten, agenteei ostikadak eta ukabilkadak emanez aurre egin baitzien. Atxilotuetako biri aiztoak atzeman zizkieten aldean atxilotu zituztenean.

Lau susmagarriak (15 urtekoa bata eta 18 eta 20 urte artekoak beste hirurak) Ertzaintzaren egoitza batera eraman zituzten beharrezko polizia eginbideak betetzera. Adingabea aske utzi zuten, legezko erantzuleen esku, eta beste hirurak epailearen aurrera eraman zituzten.


238 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin