Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Auto istripu bat izan eta ihes egin ostean alkoholemia proban positibo eman duen gizon bat atxilotu dute Bilbon


2009-01-26 13:10

BILBO, 26 (EUROPA PRESS)

Ertzaintzaren Bizkaiko Trafiko Unitateko agenteek 32 urteko gizon bat atxilotu dute gaur goizaldean Bilbon bide segurtasunaren kontrako delitu bat egotzita. Atxilotuak edari alkoholdunen eraginpean gidatu du eta ihes egiten saiatu da zirkulazio istripu bat izan ostean, Eusko Jaurlaritzako Herrizaingo Sailak jakinarazi duenez.

Gaur goizaldean, 1:00ak jotzeko minutu gutxi falta zirenean, Bilboko Bolueta auzoko Santa Ana auzunean zauriturik izan ez duen istripu bat jazo dela eta ezbeharra eragin duen ibilgailuak ihes egin duela jakinarazi diote Ertzaintzari. Patruila batek istripuan nahasitako ibilgailua A-8 autobidetik ikusi du, Malmasin tunelerako noranzkoan, abiadura handiz zihoala, eta bere atzetik joan da.

Susmagarria modu bitxian gidatzen ari zela ohartu dira agenteak, obratan dauden eremu batean erreiak bereizteko erabiltzen diren konoak bota egin baititu eta kontrako norabidean sartu baita. BI-625 errepidearekin loturan, Basaurirako norabiderantz zakartasunez biratu egin du eta patruilak atzeman du. Agenteetako bat gidariaren atera hurbildu da, eta, bat-batean, susmagarria ihes egiten saiatu da berriz, baina polizia autoaren kontra talka egin du.

Gidariak positibo eman du alkoholemia probetan: 0,79 eta 0,77 miligramo alkohol arnastutako aire litroko. Hori dela eta, Ertzaintzak atxilotu egin du eta, aurki, Agintaritza Judizialaren aurrean aurkeztu beharko da.


508 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin