Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Aurten guztira 250 lan aurkeztu dira Haur eta Gazte Literaturako XIV. Edebé sarietara


2006-01-23 13:52

BILBO, 23 (EUROPA PRESS)

Edebé lantaldeak antolatzen dituen Haur eta Gazte Literaturako XIV. Edebé sarietara aurten guztira250 lan aurkeztu dira eta aste honetan jakinaraziko da nor diren irabazleak, arduradunek prentsa-ohar batean gaur aditzera eman dutenez.

Haur literaturako sarira 160 idazlan aurkeztu dira, eta 90, gazte-literaturakora. Hainbat hizkuntzatan iritsi dira idazlanak: katalanez (53), gaztelaniaz (180), euskaraz (7) eta galegoz (10). Horra hor sariaren bereizgarrietako bat: lau hizkuntzetako originalak aurkez daitezke.

Eleberriak leku askotatik iritsi dira; besteak beste, Estatuko autonomia-erkidego guztietatik. Aurten ere, Bartzelonatik (77) eta Madriletik (56) heldu dira eleberri gehien. Beste autonomia-erkidego askotatik ere original asko heldu dira: Valentziatik (26) , Andaluziatik (15), Euskal Autonomia Erkidegotik (12) , Galiziatik (10), Asturiasetik (6), Murtzia eta Balearretatik (6), eta Zaragoza, Cádiz eta Granada probintzietatik (3).

Bestalde, edizio honetan hazkunde handia izan du Hego Amerikatik heldutako originalen kopuruak, batik bat Argentinatik, Uruguaitik, Costa Ricatik eta Mexikotik iritsi dira. Edebé sariaren XIV. edizioak guztira 55.000 euro banatuko ditu saritan, 30.000 euro gazte-literaturan eta 25.000 euro haur-literaturan.

Urtarrilaren 25ean aditzera emango da zein obrak irabazi dituzten sariak, eta Estatuko lau hizkuntza ofizialetan argitara emango dira: gaztelaniaz, katalanez, euskaraz eta galegoz. ONCErekin egindako hitzarmenaren bidez, braillez ere plazaratuko dira. Martxotik aurrera izango dituzue liburu-dendetan.


222 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin