Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Aukeren Azokaren laugarren edizioa ospatuko da asteburuan Durangoko (Bizkaia) Landako Gunean


2009-02-10 12:10

BILBO, 10 (EUROPA PRESS)

Hogei bat dendek parte hartuko dute Durangoko (Bizkaia) Landako Gunean otsailaren 13tik 15era arte ospatuko den Aukeren IV. Azokan. Horrela, ostiral arratsaldeko 17:00etan hasiko da Durangoko +Dendak merkatarien elkarteak antolatutako azoka. Bertan, hainbat artikulu topatzeko aukera izango da, prezio hoberenetan, eta merkataritzako jarduerako hamar sektore baino gehiagok oinetakoak, apaingarriak, arropa, lentzeria eta bitxiak jarriko dituzte salgai, beste produktu batzuren artean.

Antolatzaileek azaldu dutenez, azokan parte hartuko duten sektoreen artean dekorazio artikuluak, etxeko artikuluak, automoziozkoak, optikoak eta drogeriazko artikuluak ere topatu ahal izango dituzte Landako Gunera doazenek. Era berean, ardo dastaketarako gune bat ere izango da ere.

Inaugurazioa eta gero, ostiralean 17:00etan, gunea zabalik egongo da 21:00ak arte; larunbatean, ordutegia 10:00etatik 14:00etara eta 17:00etatik 21:00etara izango da, eta igandean, ateak zabalik egongo dira 11:00etatik 14:00etara eta 17:00etatik 19:00etara.

Aukera IV. Azoka honek aldi bereko beste ekintza batzuk izango ditu. Horrela, batukada ikuskizun bat izango da Katü-Burü taldearen eskutik, bai eta perkusio talde bat erabilera anitzeko pabiloian ere, inguruko kaleetan zehar jotzen ibiliko dena ostiraleko inaugurazioaren aurretik, 16:30etan.

Halaber, Larunbatean, 17:30etan, txotxongilo emanaldia izango da Bihar txontxongilo taldearen eskutik, eta igandean ordu berean, kontu kontari saioa eskainiko du Rosa Martinezek. Hori baino lehen, 12:30etan, Senegaleko Mlomp taldeak erakustokietan zehar desfilatuko du afrikar erritmo eta dantza erakusketa eginez. Gainera, egunero izango dira Landako Gunean bertaratzen direnentzako beste zerbitzu berezi batzuk, besteka beste, ludoteka eta umeentzako tailerrak, kafetegia eta aparkalekua. Sarrera doan izango da.


292 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin