Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Atom Rhumba talde bilbotarrak urriaren 27an kaleratuko du Amateur Universes disko berria, Oihuka diskoetxearekin


2006-10-10 16:44

BILBO, 10 (EUROPA PRESS)

Atom Rhumba talde bilbotarrak disko berria kaleratuko du urriaren 27an, Amateur Universes izenburuarekin. Oraingoan, Oihuka diskoetxeak argitaratuko du rhumberoen disko berria. Berriro ere Kaki Arkarazorekin grabatu dute diskoa Garate estudioetan, eta Arkarazo bera izango da zuzenetako teknikaria ere.

Edizio mugatua izango da: LP bikoitza karpeta bikoitz baten barruan. LP bikoitzak CDan aurkituko ez den aparteko kantu bat dakar, bai eta CDarena ez bezalako diseinu berezia. Arte grafikoa Olaf Ladousseren lana izan da, Backbone Ritmo izeneko aurreko diskoaren diseinatzaile berberarena.

Disko honetan hainbat laguntzailek hartu dute parte, hala nola Jon Wahl (Clawhammer, The Amadans), Hendrik Röever (Del Tonos), Luis Camino, Desiree Garcia edo Errapel Biurrun. Halaber, metalaren indar handiagoa ere ekarri diote Jon Elizaldek, Igor Fino-k, Aritz Elizaldek eta Piratak.

Bestalde, talde bilbotarrak bere kontzertuekin darrai, eta hilaren 18an Gasteizko Pabilioi Unibertsitarioan izango da; urriaren 21ean Rafa Ruedarekin joko dute Zarautzen; 28an,Alcala de Henaresen, Standard taldearekin; eta azaroaren 7an, Diamond Dogs suediarrekin, Santiago Konpostelako Capitol aretoan.


244 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin