Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Arkaitz Mendozak Erromantizismotik Belle Epoque-ra piano errezitaldia eskainiko du larunbatean Donostian


2009-01-29 12:45

DONOSTIA, 29 (EUROPA PRESS)

Bilboko Elkarte Koralaren emanaldiaren ondoren, Donostiako Miramongo Matineen zikloak aurrera darrai Arkaitz Mendozak larunbat honetan eskainiko duen Erromantizismotik Belle Epoque-ra izenburuko piano errezitaldiarekin. Saioa 11:00etan hasiko da Euskadiko Orkestra Sinfonikoaren egoitzan, antolakuntzak adierazi duenez.

Pianista donostiarrak J. Brahmsen gaztetako lan batekin hasiko du bere emanaldia, eta Chopin eta Liszt konpositoreen lanekin osatuko du lehengo zatia. Etenaldiaren ondoren, Aita Donostiaren Euskal preludioak euskal doinu herrikoiak eta Isaac Albenizen La Suite Iberia lan paregabearen piezarik ospetsuenetakoa den El Albaicin izango dira entzungai bigarren zatian. Konpositore katalanaren heriotzaren mendeurrenaren ospakizun gisa hartu daiteke kontzertuaren amaiera berezi hau.

Ziklo honetan abonuaren bidez edo sarrera solteen bidez parte har daiteke. Matineerako sarreren prezioa 6 eurokoa da eta Servikutxan, Telekutxan (943 00 12 00) eta www.kutxa.net eta www.euskadikoorkestra.es webguneetan edo kontzertuaren egun berean egoitzako leihatilan -10:30etatik aurrera- eskura daitezke.

Matineean izateko, EOSen egoitzara iristen den doako autobus zerbitzua dago; 10:25ean ateratzen da Gipuzkoa plazatik eta Antso Jakitunaren hiribideko 18 zenbakian eta Madril hiribideko 34 zenbakian geldialdiak egiten ditu.


215 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin