Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Arazandi Zientzi Elkarteak Euskal Etnografiaren XXVII. Astea antolatu du Arrasaten, hilaren 6tik 10era bitartean


2006-11-02 17:41

DONOSTIA, 2 (EUROPA PRESS)

Aranzadi Zientzi Elkarteak etnografia-gaiei buruzko hitzaldi-zikloa antolatu du hilaren 6tik 10era bitartean Arrasaten ospatuko dun Euskal Etnografiaren XXVII. Astearen baitan. Ekitaldiak Kutxaren ekitaldi aretoan izango dira eta Fermin Leizaola Aranzadiko Etnografia Saileko zuzendaria izango da haien koordinatzailea.

Antolakuntzako iturriek gaur iragarri dutenez, hitzaldietako gai guztiak loturik egongo dira kultur antropologiari, etnolinguistikari, toponimiari eta folkloreari. Hizlariek, Euskal Herrian, Euskal Herriari lotutako lekuetan edota inguruko lurraldeetan oinarritzen dute euren lana eta gai horietan adituak dira.

Fermin Leizaolak berak egingo du Euskal Etnografiaren Astearen inaugurazioa, azaroaren 6an, Los espantapajaros y otras tecnicas de disuasion empleadas en el mundo rural (Txorimaloak eta txoriak uxatzeko nekazaritzan erabilitako beste teknika batzuk) hitzaldiarekin. Diapositibak erabilita, txorimalo-motak erakutsiko dira: zerez eginda dauden, noraino diren eraginkorrak eta estrategia berriak zertan diren.

Azaroaren 7an, Jon Maia bertsolariak Apaizac Obeto espedizioa eta euskal baleontziek Labrador Penintsulan (Quebec) utzitako aztarnak ekarriko ditu gogora. Hurrengo egunean, Aragoi eta Biarno, Euskal Herri galdua izenburupean, Juan Carlos Lopez-Mugartza filologoak ibilaldi bat egingo du Aragoiko eta Anso, Aspe eta Erronkari ibarretako euskal toponiman zehar. Halaber, Manuel Menendez Pidalek egindako iberiar dialektoen hizkuntza-mapari buruz ere ariko da.

Azaroaren 9an, Henrike Knörr euskal filologo eta Euskaltzaindiko kideak Los descubrimientos de Iruña-Veleia y su importancia para la historia del euskera (Iruña-Veleiako aurkikuntzak eta euskararen historiararako daukan garrantzia) izango ditu mintzagai bere hitzaldian, eta behin-behineko zenbait ondorio azalduko ditu.

Hitzaldi-sorta azaroaren 10ean amaituko da, Enrique Satue Olivan Serrabloko Etnologia Museoko zuzendariaren hitzaldiarekin. Pirineo aragones. El adios a una cultura tradicional (Aragoiar Pirinioa. Agur kultur tradizional bati). Dagozkion esparruak, akulturizazio-prozesua eta berreskuratze-lana izango ditu mintzagai.

Ikasleek Aranzadik antolaturiko jarduera honetan parte hartzea aukera libreko kredituekin aintzatetsiko da Euskal Herriko Unibertsitateko ikasketa-programetan.


284 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin