Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Arabako Diputazioak guztira 450.000 euro bideratuko ditu aurten 27 udalerriren irisgarritasuna hobetu asmoz


2006-08-16 12:47

GASTEIZ, 16 (EUROPA PRESS)

Guztira 27 udal eta administrazio batzarrek jasoko dituzte aurten Arabako Foru Aldundiak espazio publikoetako irisgarritasuna hobetzeko emandako laguntzak, zehatzki 450.759,08 euro emango direlarik, arduradunen esanetan.

Arabako Foru Aldundiko Hirigintza eta Ingurumen Sailak Lurralde Historiko honetako espazio publikoetako irisgarritasuna hobetzeko laguntzak eman ditu 2006. urterako. Izan ere, 2002an hasitako ekimenari jarraituz, laguntza horiek urtero eman dira Arabako eraikin eta herritarrek erabiltzen dituzten beste leku batzuetan eraberritze lanak burutzeko, beti ere, bereziki mugikortasun murriztua duten pertsonei sarbide eroso eta ziurrak bermatzeko helburuarekin.

Modu horretan, Arabako Foru Aldundiak espazio publikoetara iristeko baldintzak hobetzearren toki erakundeen ekimenak sustatzen ditu, indarrean dagoen legeriak ezartzen dizkien eskakizunak betetzeko eta Probintziako ondare publikoari probetxu handiagoa ateratzeko.

Laguntza horiek emateko erabili den oinarrizko irizpidea eskatutako jardueren interes publikoa izan da eta kontuan hartu da jardueraren gizarte interesa eta eskatzaileek Lau Urteko Irisgarritasun Planak dituzten edo ez.

Onartutako laguntzen artean, udal edo administrazio batzarretako eraikin publiko, plaza eta kaleetan egingo diren jarduerak daude. Hauek dira laguntza jaso dituzten entitateak: Asparrena, Legutiano, Zuia, Arraia-Maeztu, Comunion, Lantarón, Labastida, Oyon-Oion, Amurrio, Apinaiz, Retes de Llanteno, Okondo, Durruma, Valdegovia, Urizaharra, Barrio, Guinea, Bachicabo, Villanueva de Valdegovia, Corro, Pipaon, Agurain, Mañueta eta Ribera Alta

Oro har, irisgarritasuna hobetzeko obrak udaletxe, kultura etxe, gizarte etxe, kirol instalazio eta parkeetan egingo dira. Gainera, barandak jartzeko edo oinezkoen ibiak eraikitzeko lanek, espaloiak zabaltzeko edo beheratzeko obrek edo udal igerilekuetan jasogailu hidraulikoak jartzeko instalazioek ere laguntza horiek jasoko dituzte.


309 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin