Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Animatu enpresak Lorategia izeneko sakelako telefonoentzako euskarazko bigarren doako jokoa kaleratu du


2006-02-03 10:40



BILBO, 3 (EUROPA PRESS)

Sakelako telefonoa erabiliz jolasean ibiltzea maite dutenek aukera berri bat izango dute aurrerantzean, sakelakoentzat pentsatutako euskarazko bigarren bideojokoa plazaratu baitu Animatu enpresak, Lorategia izenekoa, doakoa izango dena gainera.

Erabili.com webgunearen arabera, Lorategia joko didaktikoa da, berria, euskaraz, eta sakelako telefonoentzat. Jokoa euskara ikasteko eta erabiltzeko tresna da, teknologia berrien eremuan eta horren hedatua dauden sakelako telefonoen esparruan.

Esparru horretan euskaraz atera den bigarren jokoa izateaz gain, beste berrikuntzarik ere badu produktu honek. Izan ere, Lorategia dohainik banatuko da. Telefonoaren erabiltzaileak datuen trafikoak eragiten dituen kostuak soilik ordaindu beharko ditu (0,50 € baino gutxiago).

Hauxe honela da babeslei esker, beraiek ordaindu dituztelako ekoizpenaren kostuak. Beraz, hauxe da Advergaming estrategiaz baliatzen den euskarazko lehen jokoa. Advergaminga marketing teknika berria da. Beraren bitartez, babesleen markak edo mezuak jokoaren barruan txertatzen dira, jokoaren testuinguruan barneratuta agertzen dira azken batean publizitate mezuak direnak.

Advergaminga beste hainbat marketing bide baino eraginkorragoa da, publikoak ez duelako intrusio modura hartzen. Gainera, jokalariak denbora gehiago eta era zuzenago batean daude markarekin harremanetan. Ekoizpen kostuak arintzen lagunduz, eta jokoaren hartzaileentzat musutruk izatea ahalbidetuta, advergaminga Lorategia bezalako jokoak zabaltzeko tresna egokia izan daitekeelakoan gaude.

Lorategia jokoa didaktikoa da, zentzu ludiko nabarmenarekin. Jokalariak Miki tximua, jokoaren protagonista, lorategi handi batean zehar gidatu beharko du, eta bertan aurkituko dituen hainbat elementurekin elkarreragingo du.

Elementu hauek Naturarekin zerikusi handia dute: zuhaitzak, landareak eta animaliak. Hauetako bakoitzak protagonistari hainbat informazio didaktikoa emango dio. Jokalariak gogoan izan beharko du informazio hau beranduago agertuko zaizkion galderei zuzen erantzun ahal izateko. Galdera hauei erantzun zuzenak ematean partaideak puntuak lortuko ditu.

BALIABIDE TEKNOLOGIKOAK

Jokoaren aplikazioa J2ME (JAVA 2 Micro Edition) teknologia erabiliz garatu izan da. Ondorengo zerrendan agertzen diren sakelako telefonoak erabiliz eskura daiteke Lorategia: Alcatel, LG, Motorola

Nokia, N-Gage, Siemens eta SonyEricsson

Jokoa eskuratzeko bi bideLorategia eskuratu nahi dutenek horretarako bi bide edo aukera izango dituzte. Lehena webgune baten bidez izango da: http://www.animatu.com/lorategia. Hemen, internetera konektatutako PC-an, erabiltzaileari pausoz pauso jokoa bere sakelako telefonora nola deskargatu dezakeen azalduko zaio:

Lehendabizi, erabiltzaileak aukeratu beharko du bere telefono mugikorraren marka eta modeloa, webgunean dagoen panel batean.

Gero, webgunean azalduko diren argibideak jarraitu beharko ditu: helbide bat sartu beharko du sakelakoan, eta horrek WAP nabigatzailearen bidez jokoaren aplikazioarengana eramango du.

Helbide hau baieztatuz, aplikazioarenganako lotura bat azalduko zaio sakelekoan erabiltzaileari, eta hauxe aukeratuz jokoa erabiltzailearen sakelakora deskargatuko da.

Azkenik, erabiltzaileak SMS bat jasoko du aplikazioarekin eta SMSa zabaltzerakoan, aplikazioa sakelako telefonoan instalatuko da automatikoki. Deskargatzeko era hau erabat doan da.

Jokoa lortzeko bigarren era SMS baten bidez izango da. 7675 zenbakira bidali behar da SMSa LORATEGIA hitzarekin. Kostoa 0,50 € da bataz beste.

MAMUTXEN AURREKARIA

Lorategia erabat euskaraz ekoiztutako bigarren jokoa da. Lehena, Mamutxen Eremua, pasa den urtean banatu zen, hau ere Animaturen eskutik. Hura abentura motakoa zen: jokalariak Mamutxak bilatu behar zituen, bertako pertsonaiek ematen zizkioten argibideei esker. Euskal Herriko mitologian oso ezagunak diren hainbat pertsonaia erabili ziren horretarako: Tartalo, Basajaun, Lamia eta Sugaar.

Laguntzaile eta babesleakLorategia Animatuk ekoiztu du Bizkaiko Foru Aldundiaren Kultura sailaren laguntzaz, euskara teknologia berrietan sustatzeko ekimenaren barruan. Hainbat komunikabidek ere eskaini diote beraien laguntza Lorategia proiektuari: Aizu!, Argia, The Balde, Amasté eta EITBk. Babesleen zerrenda, berriz, honakoek osatu dute: Asomo Socialware, Funky Projects, Irontec, Ubiqa, Vudumedia, I/Vista, ETECÉ eta M.A.C. asesores.

Animatuk Kukuxumusu Marrazki Fabrikaren laguntza ere izan du, bere grafiko umoretsuen ekarpena eginez. Guzti horiei Animaturen eskerrik beroenak.


417 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin