Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Animalien ongizateari buruzko araudi berriaren eragina azaldu dute adituek Arkauten (Gasteiz)


2009-02-05 16:59

GASTEIZ, 5 (EUROPA PRESS)

Animalien ustiaketa, manipulazio, garraio eta osasun arloko ehun bat profesionalek hartu dute parte gaur Eusko Jaurlaritzako Nekazaritza, Arrantza eta Elikadura Sailak eta Nekazaritzako Elikagaien Segurtasunerako Euskal Fundazioak (ELIKA) Arakauten (Gasteiz) antolatu duten animalien ongizateari buruzko jardunaldian. Araudi berria ezartzeak Euskadin izan dezakeen eragina aztertu dute adituek jardunaldian.

Topaketaren antolatzaileen esanetan, abeletxeko animalien manipulazio eta garraioari buruzko azken urteotako araudiak gero eta zorrotzagoak dira, eta garrantzi handiagoa ematen diote animalien ongizateari. Animaliek jasaten duten gehiegikerien eta sufrimenduaren aurkako gizarte-kontzientzia handiagoa da gaur egun, eta hainbat azterlanek adierazi dute oso lotuta daudela animalien bizitza egoera eta elikadura produktuen kalitatea.

Ildo horretan, gizartearen eskariak betetzeko hainbat parametro ezarri dira, eta horietako bat da animalien ongizatea. Hori dela eta, Europar Batasuna ongizate baldintzetan hazitako animalien produktuetarako etiketa sortzeko aukera aztertzen ari da.

Horrek guztiak araudian hainbat aldaketa eragin ditu, eta aldaketa horietako batzuk duela gutxi jarri dira indarrean edo luze gabe jarriko dira. Gaurko jardunaldia baliagarria izan da animalien manipulazioan inplikatutako guztiek jakin dezaten araudi berriak eurengan duen edo izango duen eragina.

Horrela, animalien garraioa sakonki landu dute, arlo horri buruzko araudia aurten jarri baita indarrean eta ibilbide luzeko garraioetarako baldintza zorrotzagoak ezarri ditu. 2012n indarrean jarriko den kaioletako oiloen kumeen baldintzak arautuko dituen legea ere eztabaidatu dute; lege horren ondorioz, ekoizleek, egokitzapenerako inbertsio handiak egiteaz gain, metro koadroko animalia gutxiago izan beharko dute.


610 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin